做人別一廂情願

上世紀初香港人民智未開，怎知道城區保育這回事？一介草民正所謂生不入官門，絕不會搞對抗！官府要拆便拆，配合時代發展，所以現今我們才可以分享今昔地區圖片的變遷，藉以對比一番。

很多年前檔主民智亦如此，人家客套話便當真，竟然想別人往旅行時真的幫忙代購甚麼，那時沒有互聯網，天真老實不客氣地列出清單，人家遊玩回來沒有表示還不識趣地打聽買了沒有？你叫人怎回答？真的牛皮燈籠點極都唔明，自討沒趣。

當時亦沒有抱太大期望，因為人家跟團行程可能不經那個購物處便買不成，沒理由人家特登為你四處張羅，回到初心那句客套話你竟當真？

後來自己有機會親身到訪那裡，大鄉里自由行，增廣見聞，第一次出門地圖也沒有，結伴走訪某區不買，蘇州過後人家各有行程，唯有單拖再訪那購物區，憑著僅有記憶，用生硬語言與車站服務員溝通，幸好沒有上(落)錯車，買了自己要買的東西，回到集合地點繼續行程。

圖為當年其中一件戰利品，用了五百日圓買的羅修人。

領展惡行？

碩果僅存的愛迪達球鞋，誰說要做運動才可穿波鞋？

以下是寫於2015年6月2日的網誌：

//著開果對疑似red wing嘅鞋開始甩底，開左少少口，去開賣鞋果間又無新貨，想話買返對一模一樣款都無，假野都用到兩年算係咁，早輪大雨加速左衰退，所謂皮浸裂晒，爆左口都唔知。
後來行過區內所謂鞋店，一係貴得離譜，一係就款式唔啱年紀。

好彩頂得住行返屋企，索性撕爛甩底掉左佢。

今朝諗住著對皮鞋返工，好耐唔著，著上腳先發現鞋底又甩，擺得耐唔郁係咁架嘞，於是左搵右搵搵到對蝕底波鞋頂住檔，一路一驚心，線腳也，好在返到工作地點平安大吉，食晏果陣拿拿買對cheap鞋著住先，素來無乜講究，是是旦旦OK。

只要唔係溜冰鞋就得！//

(自從幾年前領展逐漸趕走小商戶後，商場再沒有小本經營的鞋店了，難道街坊不用穿鞋的？)

看圖二便知大穫，鞋底蝕成咁！沿路一步一驚心，很滑幾乎前仆後繼！

(已無乜題材好講？連呢d 都講一餐？難怪會趕客嘅...XDD)