2019年7月31日星期三

昔日打風記趣

打風又想起舊史,以前屋邨坑渠無鐵板蓋掩,落雨打風最好玩就係放紙船,睇住船仔向前遊,最後塞響渠口閘位度,無比無聊!

記得細個暑假睇超人歷險記,其中一集同海嘯有關,撞正真係打風,咁橋水浸浸向舖頭,要去阿爺張床暫避,一味講D玩具呢?D玩具呢?own晒落玩具箱度囉!



當年就係玩呢幾件模型,家陣睇返網圖,二號機唔係十足似,尾翼短過片中道具,駕駛倉玻璃窗都唔係咁款,再睇件模型,童年印象有點幻滅。


呀,睇鐵甲萬能俠,將三號機雙翼屈曲當朋友號咁,當然即場報銷,細個貪玩劃火柴燒一號機扮爆炸,衝落舊式水冷汽水機度,俾大人用藤條打到開花!

#颱風 #網圖

2019年7月21日星期日

「張天志」









昨晚看了張天志,本來沒打算看,但一見影片重現昔日士多、舊香港市集面貌,連老式車輛也找到,被這些吸引住,算是認真製作啦,故事簡單,漫畫式飛簷走壁好人對壞蛋打打打!看見差人扑頭一幕,發出會心微笑,電影語言說給我們知,做人良心發現只在故事中才會發生。



女角五官有點狄波拉影子,近鏡看娜娜已見蒼老感,歲月催人倒是真的。

2019年7月15日星期一

「某日某月」

昨晚電視播「某日某月」,卒之夾啱時間有得睇,心情當堂唔同晒,當正今日唔使返工咁款!一路睇一路笑兼讚賞,阿肥佬導演用九十年代情懷拍左套九十年代嘅青春電影,正!重現當時文具店、唱片舖、中巴、杯麵呀、Call機、水壺電話等等等,先至明白原島大地個括號髮型係要咁款先至似樣,先似著褲城個傻頭。



以童話世界比喻當時社會面貌嘅電影越來越絕種,嫌女角把聲作狀左D,一眾配角同學樣夠晒地道,暗戀失敗者阿女同學似乎少左戲份,場口太多巧合之處,所以先叫佢做青春校園愛情幻想片囉!

片中角色本可以有更多發揮,奈何電影篇幅所限,重心自然要落在主角身上,想要平衡點亦要計算編劇功力,始終睇住制作成本做人。

最驚喜係肥佬郵差現身、郭啟華客串D丁一幕,曾幾何時聽電台都係一種集體回憶,果個年代電台主持都係獨當一面,響互聯網未普及嘅年代,開收音機解悶係最佳嘅娛樂。

喂!旦爺做明叔似乎後生左D,公式化人物配合公式化演技,意料之內,畢竟呢類電影無話扭橋睇到人一舊雲已經算唔錯啦!
肥佬加油!睇到王家欣客串果幕唔係好明表達D乜,因為重未睇,等下先。

2019年7月10日星期三

「學校風雲」

昨晚看學校風雲,之前在網路已看過,當年上映也有看,今次在電視看高清版,感覺多了些內容,或許之前沒有細心留意,有機會再睇一次比較。

片中記錄了九龍城的昔日風景,那些年不戴頭盔駕駛電單車是沒事的!車輛在漆咸道北不斷奔馳(看過便知),再在上鄉道附近拍攝爆炸場面!


又是那句,如果電影是現場收音會更好看,配音始終...哈!怎樣也沒想過黃光亮在電影生涯中演過幾次警察,潮州佬韓坤是否親自配音不得而知,他也是此片副導演之一,林正英在演戲歷程中未試過親自配音吧?不是金貴叔配音便是張炳強發聲,某程度上配音可把戲味提升,通常演戲講對白要入咪,演員本身聲底非常重要,後期製作可以作為一種輔助補救,當然現場收音省卻不必要度期遷就演員的事,現在觀眾追求真實感,不希望老牛配音員配青春演員吧?(一笑)

記得那些年亞洲電視首播「接觸」(以前說過),找來兩位大叔配片中兄弟,看得十分抗拒,那時還未開始麗音廣播,觀眾夾硬聽英雄本色李子雄把聲配達也,真是....!

2019年7月4日星期四

假如咁...

早幾晚睇左張堅庭導演嘅「古惑大律師」,LD年代已睇過,值得重溫,睇芳華正茂嘅Do姐客串幾幕已值回票價,全片現場收音深得我心,戲唔一定要有飛車爆炸場面嘅,劇情取勝,總言之講古唔好駁古,當警方鑑証科屎嘅?XDD



實在多謝收費電視電影台這平台,近月看多了電影,不分新舊,有興趣便看。

有晚播「選老頂」,無意中看見阿澤有份演便看,錯過頭半粒鐘,幸好後來的對白已交代大概劇情。

從前往戲院看電影,也試過因購票而遲進場,一進場已播映,那套片好像是最佳拍檔續集,那年代根本沒留意演員配音問題,那年代根本就是配音員撈外快最佳良機,也是港產片最離奇之處,電影公司聘請演員演出也是讓觀眾看其演技,後期製作一味貪快和就手,浪費演員說對白時的神采。

比方說「天若有情」如果是現場收音的話,片子會更精彩,綠葉如朱鐵和、黃文慧、仙杜拉、吳浣儀等演出便有看頭,最混蛋不過劉華不是劉華聲,那年代忙忙忙!Beyond唱的主題曲插曲固然正正正,配合畫面正正正,可是片中浪漫是由配音員之聲演戲,浪費如此一套可一不可再的經典。

每當看見有些片是朱子聰、張炳強配劉華,真是得人驚。

不如模擬一次,假如「古」片要配音的話,搵邊個配好?
八九十年代香港電影蓬勃,演員唔得閒親自配音,咁就極有可能咁:

陳敏兒配Do姐,事實上有D do姐演嘅電影要搵人幕後配音。

陳欣配梁家輝,監獄風雲內的梁家輝就係佢配。

方剛律師角色極有可能係朱子聰配,劉嘉玲好有可能係沈小蘭/盧素娟配。張堅庭好可能係陳永信配.....

話說九十年代中左右,呢D電影配音員忽然回流電視台搵食,因為電影多數現場收音。

隨機精選文章

追蹤者

Powered By Blogger