2019/07/13 前晚睇甘生導演舊作「神奇兩女俠」，睇下電視播呢個版本會唔會有咩分別？作為聽達明一派嘅Fans，有D迷思係永遠解唔開，明明「我...等著你回來」大碟入面果首「神奇女俠」有Do姐旁白，咁都唔算主題曲？睇完套片一滴達明音樂都無，片尾重出左阿Lam「敢愛敢做」電影獨有版本，歌詞同唱片收錄版係有少少出入。
講趣怪，明哥唱果首先切合電影主題，「...衝出這道牆...有新去向」，較為勵志D，阿Lam果首由第一日聽已經覺得難聽，原曲本身又唔入耳，多數skip左唔播果隻。
最得意，當年「秋天的童話」上映果陣，將主題曲Danny「夢囈」變左做呂方「別了秋天」，真係吖！
講返「神」片最養眼係Do姐同葉童，可一不可再青春加超短褲配美腿，劇情食返山水有相逢條橋，但係電影局限戲劇發酵，相信拍左好多野無用到，剪剪埋埋無左戲劇連貫，哈？第時會唔會有導演版出現架？
2020/1/22 昨晚再看「神奇兩女俠」，證明自己有多愛 Do姐的演技，不能再有豁出去的演出，葉童主演的電影多數親自配音，此片大部份演員都是自己聲演，今次細味兩位阿姐的對白，可是沒有像梁好逑般用筆記錄下來，看那延續山水有相逢兩女愛賤男的都市小品，Do姐間屋真係幾正，到底借哪裡拍攝的？當年可樂汽水蓋是銀色，一個永恆經典的品牌，利舞台已成過去，戲中電車經過的街道變了幾多？美麗的日子也成過去？唯有拿著光碟回憶一番。
早已存有硬盤版本，今次看片尾字幕發現有梅愛芳演出，到底在哪一場戲出現？期待看第四次慢慢研究。
印象中一片多看的例子有：英雄本色、暗戰、無間道、龍虎風雲，呀！還有....
2020/07/03 又到月頭，新贏展覽過後，「落選佳麗」打道回府，坐benz返歸休息，香港地地方「驚」貴，要安置它們要出盡辦法左攝右攝十足動物大遷徙。
想起電影神奇兩女俠情節，連子蓉、好逑姐香江佳麗選舉落第，坐車走人，混亂中意外地結識，繼而產生連串瑣碎故事，特別是大台試鏡一幕幾過癮。
後記
DO姐接受訪問時說過，甘生為寫此戲劇本，閉關了幾日。