學校合唱團

星期天晚上看電視播放許冠傑特輯，一段段歌聲勾起檔主回憶，小學時期有幸入選合唱團，在校內參加比賽表演之類節目，眾人上台合唱的，正是阿sam勵志歌曲「應該要自愛」，唱至歌詞「你有天才，佢有天才」時忽然我和身邊某同學笑了出來，非常尷尬，可幸其他成員歌聲掩蓋過那兩秒的笑聲。

中學時也加入過合唱團，到觀塘聖潔靈女子中學聯校表演，唱那些自己連發音也弄不清的詩歌，最記得那天有晚膳供應，沒有白唱。

當天好像拍了照片留念，不過又是瀟灑地沒有保存下來，因為當時半被迫參與，現在卻是懷念，學生年代總有回憶點滴。

=====

回憶二：諗番起初中時期， 有條謬利梁姓同學得閒無事小息果陣就唱譚詠麟d歌， 十足技安迫人聽佢唱歌咁， 我就覺得佢把聲似任劍輝， 諗番起唱粵曲可能會好d， 有事實証明佢唔得， 就係佢無入到合唱團， 反而檔主五音不全竟然係合唱團成員之一， 成日唔去練歌結果俾阿SIR foul 左出局， 幾好吖， 迫我做嘅野永無好事， 試過去聯校歌唱比賽表演， 檔主都係念口黃唱埋唔知咩嘅詩歌， 英文都解唔掂重要唱落去， 咁又「呃」左個飯盒食都幾得意， 當時叫做有少少虛榮心。

事實上果D品學兼優嘅同學去參加合唱團會適合D，我呢D濫竽充數嘅學生可免則免啦。

資料圖片