點解你會儲到咁多嘢？

呢篇野唔係問自己，而係問緊你妳你！首先講下何之為舊物嘅定義，唔係近年補購，而係果種由細到大陪著你一起嘅收藏品。即使今日黎講升值不少，你都係對佢感情不變，無必要都唔會諗過出讓。檔主果D唔算係舊物，最多叫做雜物。
(圖片轉載自2004年11月16日經濟日報，特此鳴謝。)

這位是懷舊收集者阿關，全家都佈置得像玩具店/士多！令人羨慕！諗諗下， 其實儲到呢D舊物都好靠天時地利人和~~!!

其中因素可能包括：

屋企附近店舖要有得賣先買到， 細個總唔會好似依家咁周圍去買野，試問間舖無入到貨又點會有得賣？又要咁橋俾你遇見到，所以店主品味非常影響收藏品嘅存在性。正如以前買老翻碟一樣，翻版商連果隻正版都唔製作翻版嘅話，正版受歡迎程度都好極有限。所以好多謝佢地提供價廉物美嘅產品。 

又要避過丟掉/放棄既命運， 通常大人執屋或當閣下細個得罪父母果陣，響你唔覺意果陣分分鐘同你將d寶貝收拾到垃圾桶去，把憤怒發洩於細路玩具中。搬屋都有可能清理藏品，要靠物主自己收藏守護先得以保存，十足保育文物一樣，檔主因為細房變迷你房，把兩大箱玩具賣掉，少左好多野響度分享。 

當然本身家底有番咁上下，通常普羅大眾搵食艱難，阿爺阿麻阿公阿婆買嘢俾孫仔機會， 普遍黎講係會多D，錫孫不嬲係老人家嘅指定動作。檔主細個，係阿爺負責購買玩具嘅角色，賴地哭叫哀求結果都係成功，不過難逃日後被丟掉嘅命運。

最緊要有愛心耐性，儲野非一朝一夕而成，勿三分鐘熱度。

講到呢度，靠你回應補充。