電影係雅俗共賞

電影係雅俗共賞，睇完一次係想睇多次嘅，個人黎講最鍾意睇「第一滴血」、「獨闖龍潭」果類片，堂堂情場英雄難投懷如小童長期維持macho如史泰龍！「洛奇」我都好鍾意睇，人生谷底反彈戲最有睇頭，富有勉勵意義，終於勝利！你話幾咁振奮人心，另一套「勝利大逃亡」，踢完場波兼夾襯亂走佬呢條橋幾好，似乎套套都關龍哥事。

正所謂熱血熱腸熱，就係熱勝紅日光！夢工場發揮正能量，去戲院睇套「劇情幻想片」，兩個鐘內暫時唔使諗咁多現實中嘅正能樣，話之你。

最好導演出個加長版，通常拍戲總會拍多左場口，剪剪埋埋遷就上映時間，整返個乜乜導演版，又可以掠水，幾好吖！(期待港產片導演版喎)

記唔記得王大導拍「飛仔正傳」，拍到幾乎可以分上下集上映，一於搵返晒底片錄音，出返個三十周年記念版都重得呀！
查實有無戲院會播舊片，每個年代觀眾都應該要認識一下去戲院睇大銀幕播經典電影嘅震撼，同屋企睇感覺好唔同，暫時諗到「香港電影資料館」定期有呢類活動，忽發奇想，希望有人開番間「麗宮戲院」咁又過癮，播返N年前d第二輪電影，集體回憶黎架！