據理力爭

又要講D無謂野抬高下自己，話說唔知中一定中二，轉堂期間過位傾計之類，其實好似係有過位但無傾計，俾miss發現，自己黑口黑面竟然否認有過位傾計，miss好激動咁話：你響屋企可以發少爺仔脾氣，返到學校就唔可以用咁嘅態度做人！(真係好笑屈得就屈)

哈！到家陣自己幾十歲人一樣據理力爭，諗到就衝口而出，(明明係對方搵人笨柒，唔通唔串返佢呀？)所以整定自己無乜運行，連做人虛偽D都懶，極唔適合做服務行業，亦都好在唔係響私人機構度打工，咁嘅款俾人炒卵左九世啦！試問自尊心又值幾多錢一兩吖今時今日？

有口痕友話過：試下俾我十萬八萬一個月人工吖，俾人鬧又有乜所謂？人工包埋吖嗎！