日本百貨公司●快樂的購物時光

以前大丸定祟光會有個專櫃角落「賣」定「租」日本原裝錄影帶，果時又未至於迷日成咁，諗落可能又要入會又剩咪搞！
好在家陣想睇片去Youtube，簡單方便。

八九十年代得閒就會去云晒三越、松板屋、崇光、大丸書籍部，撞正特賣日就好咯！可能會有平書執。



圖雖然以前在其他平台出過，當中故事你未必聽過，三十幾年中學生零用錢有限，暑假時候與同學到三越定松板屋書屋見到過期雜誌割引大特賣，不知是誰下手先在書叢中拆開其他動畫雜誌附錄，把它夾到自己要買的特價雜誌內，結果一個價錢買到超值貨品，所以大家看到的是強奪回來的海報和附錄，各位朋友千奇咪學那麼貪心呀！

果時覺得地鐵站響祟光地庫好新奇架，對中學生黎講已經係好現代化嘅事黎，好懷念大丸超市部金沙骨，橙橙地色風味正，同埋曾經見住條靚仔偷公仔書，向日文書籍部負責人話想訂餓男，佢用半咸淡廣東話話當然唔得啦！

好幾年後響大丸見到有新封面再版賣，一套九冊，搵笨咩？又出？好在響智源做果陣已經買左，當時係由第四期開始偷偷補訂嘅...之後又搵埋黑底舊版，咁先齊套囉。