「沙灘仔與周師奶」

禽晚睇「望夫成龍」最尾大半粒鐘，難得周星星、吳君如認真演出劇情片，丁點笑料丁點感人，作為觀眾感覺新鮮，盧雄先生配而優則演，客串其中一角。

之後睇「沙灘仔與周師奶」，印象中有租過碟睇，家人睇完冇錄，就知好極有限，論卡士，延續「天若有情」feel，梁朝偉戴起墨鏡疏左個「括號頭」，時長時短唔連戲，片名已反映唔好對劇情太過認真計較，懶溫情果段戲係咪響荔園拍嘅？以為劇情重心會落響七小福度，點知無。

電影台有冇剪片我唔知，睇到外景熟口熟面，龍虎風雲拍過嘅街景再次重現，同埋一D家陣搵唔番嘅事物：紅色皇冠郵筒、左輪手槍、麗聲戲院嘅回憶，同埋九"講"鐵路電"氣"化火車，充滿八十年代嘅情懷！

配音方面，「天」片華dee黃志成配左李子雄把聲，睇黎李生代表作會係「人生得意衰盡歡」，難得一次親自配音。

吳倩蓮照舊係「金鎖」把聲，金鎖係邊個？睇過亞視「還珠格格」就知。