良知值幾錢

素來電台都係一個弱肉強食嘅地方，同台長做節目就要加倍小心，稍一不慎，會被標籤為篤眼篤鼻唔順超之流人士，遲早會俾人兜走！正所謂剃人頭者，人亦剃其頭；真小人看風駛𢃇，邊會同你客氣？

呢三條友一定係得罪左傻仔鵬台長！其實佢眼中唔順超嘅又點只呢三個人吖！

//哈？如果知道自己嘅存在，而係要犧牲人地原有所在，會有咩感覺？//

做人誠信好緊要，今次擺到明「勞資」雙方處理事情手法低劣，本來件事可以好睇D，至於來龍去脈報章網路講晒，文抄公免啦。

轉入正題，經常講屋邨年代嘅松園冰室，佢哋四十年前已經有整圖中呢款蛋糕(西餅)，花樣仲靚D添，記得有一課小學自然科內文，印左一幅地殼橫切面之類插圖，一睇竟然令我聯想起呢隻四四方方嘅甜品，真係好頂癮，可惜當時唔曉保留呢D課本，以前D書好少改版，家姊留俾細佬，哥哥留俾阿妹，十分環保，事實上教來教去咪又係果D野，家陣香港乜都變晒，D人一味搵X人笨柒！係時候用D雨淋醒下你，咩叫做良知啦！阿哥。