一向抗拒乘搭地鐵嘅大叔

 

(網圖) 通車有咩值得咁興奮呀小朋友！？

本文標題講緊果個就係我呀，平時冇乜運動，手腳唔多協調，所以從來十分抗拒乘搭地鐵，對上落樓梯產生果種壓迫感怕怕，特別係繁忙時間人來人往果隻，本人自認十分論盡，行得慢阻治地球轉，平時行樓梯都好易三步唔見兩步叉錯腳，所以在下絕對絕對唔會選擇搭地鐵作為日常交通工具，人況且又唔係老鼠，做咩響山窿度捐來捐去先得架？

話說上星期四晏晝要去黃大仙聽講座，自己已經堅持以巴士轉巴士方式去目的地，咁橋響車站見到一單意外發生，果日下晝傾盆大雨有個阿叔落車時跌親，哎呀一聲，見佢撞向斜紋渠邊，擦損手臂血流如注，當時嚇到檔主不知所措，好彩有個年青人出手相助，致電白車，又有人擔遮為傷者擋雨，自己就好放心"懶"趕時間搭車走人，真係千萬個唔好意思幫唔到手，希望果位先生早日康復。

完全明白巴士站站停有客上落，車程差唔多用左成粒鐘先去到黃大仙，包括轉車等車時間喎，兩點左右到達算幾準時架啦。

落堂散水果陣要用地鐵行人隧道過對面馬路，無可奈何兜左幾十級樓梯，感覺十分不便兼戇居。

為左年尾工作評核報告有野可寫，記低曾經參與過乜乜訓練講座咁囉！XDD