轉載：檢測前「黃金兩小時」

//【檢測前「黃金兩小時」】

無論你透過邊個途徑做新冠病毒檢測，都要留意檢測前約2小時內應避免做嘅事 :

飲食方面 –
檢測前2小時內應避免進食，以減低喺採集樣本期間出現嘔心、嘔吐等情況嘅機率；同時應避免飲水，因為飲水或會沖淡咽喉內嘅病毒濃度。如果各位將會喺用餐時段左右進行檢測，就特別記得注意以上忌諱啦~

個人習慣方面 –
檢測前1-2小時內應避免刷牙或使用漱口水，因為病毒或因而被破壞；
同時應避免吸煙、飲酒，甚至嚼香口膠，因為當中的化學物或酒精的消毒效果或會影響檢測準確度；
如檢測採集鼻腔拭子樣本，喺檢測前1-2小時內亦應避免洗鼻，以免因病毒濃度減低而影響測試結果準確度。
最後，即使喺前往檢測嘅過程中，大家亦要謹記時刻保持個人衛生，同其他人盡量保持適當社交距離呀 ~//

===

今朝去檢測，強檢條龍竟然快過預約自費！