唱片封面插畫 (修訂版)

 

自問為人後知後覺，早前搵歌聽時發現疑似利志達繪畫的唱片封面，原來已是兩年前的事。

最喜歡那陰影撇線效果。

有圖有真相。

本文準備預設在凌晨刊登之時，仍未知道  楳図かずお仙遊消息，人生變幻原是永恆的道理。就讓這個封面設計向大師致敬。

//專輯封面由Joanna的妹妹Tina繪製，兩人有很多共同喜愛的流行文化，討論後，妹妹馬上能抓到Joanna想要的封面感覺，默契十足！//

暫時只找到一兩個屬於二次創作封面插畫。

(Sunset Rollercoaster - 小薇 (翻唱黃品源歌曲), 2021)

===

半題外話，轉自某討論區，難得仍有新一代聽CD：

//以前冇咩錢，會去圖書館借CD嚟Rip，揾唔到CD，唯有上網揾下有冇得Download。將啲歌燒落CD-RW裡面，用Hifi聽，音質一定係差，但嗰陣冇選擇，有得聽就算。

我出嚟做嘢，開始買CD，買下買下，已經有幾十隻CD。我唔再借CD，寧願花錢聽串流同買CD，除非有啲歌串流真係冇提供，否則我先會抄歌落手機裡面。

我老竇後生嗰時，買過好多CD、DVD、LD同黑膠，都算係發燒友嚟，但大部分已經變成垃圾，一早掉曬啦。佢貪「免費」，學咗我以前嘅「不良習慣」，寧願上Youtube揾音質極差嘅音樂，燒落CD-RW裡面，再經Hifi播出嚟，都唔再聽佢多年前買落，掉剩嗰啲CD，袛聽由佢自己「監製」燒錄嘅CD，真係好搞笑！

我係受老竇影響，先至鍾意聽音樂。但兩父女嘅音樂品味完全唔同，我坦言係比佢了解得更深入。我近半年以Eric Carmen嚟「炸機」，但我老竇就唔多鍾意啦。即使兩父女係鍾意音樂，一個崇洋樂，一個幾十歲突然間"patriot"，兩種品味，最後都係夾唔嚟。//