牛仔褲和潮流

九十年代初，檔主一直穿窄腳牛仔褲，被同事薰陶下穿直腳款，501太貴不捨得買，那年代街頭街尾售賣雜牌牛仔褲屋總有三兩間，款式差不多吧！那麼才不像人人穿制服的模樣。

試過在紅磡名牌出口店買了條「再玩」，買回來剪成及膝三個骨扮金水！想起也覺嘥野。

很懷念旺角丹華牛仔褲特賣店，買剪牌Levi's，買Lee Boot-cut款，和那自家品牌，正！

還有...在花園街買冒牌褲。

只要不長胖，一條褲穿足廿年也可！信不信由你！

講講下，花園街真係冒牌物品集中地，Polo Tee 、Replay牛仔褲、Adidas外套，試過買件偽LacosteTee，攞去洗衣機度洗，溶晒！都是九十年代會做的事...真係無錢咪買冒牌！

但係咁，波鞋一定著真野，因為果個年代好少見冒牌波鞋，事關當年正貨三百幾已經有對，咁多年黎售價一直上落不大，除左著愛迪達、飄馬之外，都著過K-swiss，當年賣六百五十， 超貴！但很易爛，重買過兩款，諗起呢d 就係叫做青春。

有段時期專咩背囊式索繩布袋，乜野都放晒入去，扮放電單車頭盔，一身牛仔褸牛仔褲扮天若有情油柒華！核突到...

實則我都唔係好好名牌，無太大興趣。

延伸閱讀，轉自壹本便利寫手專家提供選購牛仔褲要決：

特别的「褲」給特別的你若果你擁有下列身形，穿牛仔褲時就要小心選擇：

1 身材高大

X 穿太長或「拖地」褲，太類聚會使人看得不順眼。
√ 穿吊腳牛仔褲，若再加上電單車Boot，更能突出自己。

2 身形矮小

X 穿太潤、寬鬆的牛仔褲
√ 穿簡單剪裁的款式；亦可選擇鮮艷顏色、花紋、間條。

3 身材略肥

X 穿水桶褲，或太太貼身的牛仔褲
√ 穿間條或簡單線條的牛仔褲

4 腰部過細或身形較矮而腿部略瘦

X 穿緊身的褲
√ 穿低腰牛仔褲或褲腳稍短的褲

5 坐圍較大

X 穿緊身牛仔褲或後袋口太低的牛仔褲
√ 穿鬆身的褲、後袋袋口略收窄；袋口稍高，或褲後有些摺等變化

6 腰較粗

X 配帶粗皮帶或誇張飾物
√ 用長外衣摭掩

7 脾位較粗

X 穿緊身或彈性牛仔褲
√ 穿鬆身或直腳牛仔褲

8 腳短

X 穿低腰牛仔褲
√ 穿中腰或高腰牛仔褲