翻炒與懷舊 (下)汗顏萬分

旦哥鄭丹瑞先生於10月17日其經濟日報專欄，連載引述在下的意見作出回應，與網誌同步刊登，之前他曾在留言版回覆，今云在報章上再三刊登，半分驚喜，萬分汗顏。

...繼續閱讀

此事得出一些客觀結論：

1. 証明鄭先生重視檔主的意見，大家素未謀面認識，非常榮幸，他沒有惡言相向，真的君子所為，也許基於藝人身份形象吧~(一笑)

以前看他文章說曾經在隧道塞車時和其他司機互不相讓兼破口大罵，是真是假？

2. 藉著鄭先生回應，解答了各位持冷眼旁觀好事之徒心中的疑問，說明應做就去做的道理。

3. 我沒有再在其網誌回應，免令人誤會檔主無端生事。說是賜教，愧不敢當，深信善意批評，對方不會怪罪於己。

4. 其實這是個反宣傳，當人人讚賞，熱切期待，自己反高潮潑冷水，希望帶起話題討論，藉此作出民意調查。(不好笑)
哈哈，誰需要你的反宣傳？

自問自答(一)

Q ：請問 lark檔主， 還是檔主lark？到底邊個稱呼先至o岩？因為見你有時咁寫，又有時咁寫？

...繼續閱讀

A： 其實有時我都攪唔清自己稱呼，就咁叫我 lark， 只不過假如響網誌有幾十個網主叫 lark既， 叫檔主lark比較易認， 咁老土綽號都係我獨家， 兼唔會去錯第二恕... 最怕自稱咩哥、物哥。

Q： 你個網頁雜架攤都執左好耐，點解突然之間寫下網誌，我睇來睇去你講來講去都係三幅被，唔怕悶親人咩？
A： 先講下點解會學人寫網誌，原先我響自己網頁留言版度自言自語， 今個月頭收到留言版供應商既通知話要暫停服務， 苦無空間平台俾我繼續發UP風， 之前已經有網友叫我： 獨樂樂，不如眾樂樂， 於是試下將d懶有趣既廢話擺上blog， 當做廢物回收， 一時間醒起yahoo blog， 鼓起勇氣寫左第一篇， 兼且以前影左堆相， 想分享一下，做下看圖作文，一來網頁儲存量爆棚， 又廢事申請多個account， 於是揀左呢度， 貪佢方便易用兼中文介面， 有Yahoo mail 就用得.....

至於講來講去三幅被， 唉....你知唔知地球人人口增長迅速， 2000年到家陣都七年幾啦， 果時心智廿零歲既人， 今年都成三張幾， 佢地變左做老餅， 就會有興趣睇下D老野， 所以話舊野永遠都有堆新客， 兼且悶蛋觀眾以倍數增長， 入黎睇既機會同樣提高。要更正一下你條問題，咩悶親人呀？我屋企人(親人)都唔會睇呢個blog，佢地一係就唔識上網，就算識上網都淨係睇股票價格....

Q：你唔驚寫左無人睇咩？
A：之前攪網頁果陣都無期望會有人黎睇，結果都有幾個捧場客，呢D老友記大部份都係素未謀面既網友，有d本身做開網頁都非常客氣咁互相留言支持鼓勵，簡直係一個奇蹟，曾經有出版社同傳媒賞面，要求檔主合作或出鏡，都俾我推左。好高興當中某D機構既刊物有登到本網站既連結，多謝支持。(咁到底驚唔驚無人睇先？)

Q：唔好作到咁大喎...
A：我份人響現實世界好低調，唔多出風頭，更加唔到我出，自問無咩資料向有關機構提供，網頁只有零碎生活片段，大把人有料過我，只不過我得閒整網頁扮下代表咁款，響網絡可以口水多過茶，盡情發揮，我都希望響網誌度識番D志同道合既網友，齊齊吹下水，可以滿足一下自戀心態，好彩網誌唔使出埋個樣，玩得放D，響現實工作中，有D響痀肥時做左七年既同事，每次碰面都傾唔到半句計，非常生疏。

Q：同類講生活題材既網誌咁多，點突圍而出？
A：請大家記住，寫網誌係玩同埋自娛，唔好期望有收成結果，唔係出一堆字一堆相就可以成功，要靠一個緣字，之前響一個forum賣過廣告，而呢個forum已經荒廢左好耐(一笑)，就係想有人響荒野尋覓，發掘到循環再造，咁都遇上既緣先至難能可貴，睇得有共鳴兼有回應即使俾人鬧都覺得感謝萬分，做人懂得知足感恩，已經係件好事，哈哈，唔使講到要貢獻社會咁偉大，唔做犯法事唔傷害人，已經功德無量。(越講越遠.....)

本篇廢話完