2010年1月22日星期五

官塘‧循道‧回憶


今篇網誌慳水慳力,部份圖片轉載自Facebook 循道小學群組,特此鳴謝。

舊日翠屏道邨重現眼前。

這張相片甚為罕見,校門設計雖然簡陋,勾起檔主滿懷回憶。


網友的珍藏,課室多年來仍然沿用這些檯椅,當中可能還留下檔主的筆跡(畫)。

檔主的兄姊也是就讀這間學校。

記得某年某天,把書包吊帶纏在椅上,打結般解也解不開,出盡辦法不果,慌張之際幸好有同學成功解窘;還記得某天坐在檔主旁的女同學正把玩墨水筆,她像唸佛敲經般的手勢不停地把筆尖擱向桌上,結果隨手一揮墨水四濺,因此弄污了校裙,檔主忍不住哈哈大笑起來,她當然老羞成怒,在下洋洋得意地看著她哭泣。

多年後在街上重遇這位同學,彼此擦身而過,心裡無比唏噓,或許她不認得檔主,又或者檔主害怕與她相認。

仍然記得暑假時候在校門前用電池摘向課室玻璃窗,破壞公物後逃之夭夭的情況,一切彷彿就在昨天發生。


到私人珍藏,仍然保留這些東西!


姓名印章,吸課本之用。


畢業證書

9 則留言:

  1. 七層大廈我印象最深是黃大仙區,因為我的中一和中二都在七層大廈天台上參加童軍集會~
     
    [版主回覆01/25/2010 09:43:00]我住果區天台有小童群秋會, 我嫌佢太遠, 好少上去玩,  d友響天台踢西瓜波, 周時踢左落樓下 ~~~

    回覆刪除
  2. 嘩~~七層大廈呀! 細個時因為板間房唐要拆, 所以搬左去東頭村七層大廈住左一年, 本來差D就讀左尼類學校, 除左地下有, 天台都會有尼種小學, 當年基於該區治安吾好, 成日都見到有人劈友, 所以我媽要我讀返以前間小學, 同埋係出面再租個間房, 七層大廈個單位就星期六日先去住下
    [版主回覆01/25/2010 09:47:00]百有就真係用心良苦啦, 好彩你都乖乖地做左好人, 我住果區都算係太平,  可能少遇到壞人吧~~

    回覆刪除
  3. 我祖母係住佐郭谷嘅 七層大廈,細個好唔鍾意去,因為星期六要先坐車去旺角再轉地鐵,後來荃灣綫起好後,都係唔鍾意去,因為無得睇電視...... 反而現在經常去九龍灣,因為太太外家正正是九龍灣,真係有啲嘢整定嘅 石斌兄小時經常見到劈友事件,喺葵芳大嘅我都見過,不過講多,要數我讀中學住大窩口新區嗰班同學仔囉,真係日 劈夜劈,我地有次在那處食lunch,都見過一班追住幾個打,不過用棍唔係用刀囉,唔知係咪大家太有經驗,我地在對面馬路看見,大家也沒停下觀看,繼續去食飯~~
    [版主回覆01/25/2010 10:00:00]小學果陣, 禮拜店舖都照開門做生意, 我重記得果日係8月22日, 有條友俾人追斬,  受傷走到我地門口坐響地下度, 結果搞到成班警察黎落口供,成地都係血, 果時又唔驚咩事.....
    依家做左阿叔, 個膽越來越細....

    回覆刪除
  4. 我雖然唔係住那到, 但以前成日經過, 真的好令人懷念的照片!
    [版主回覆01/25/2010 10:01:00]有時發夢都夢見以前屋邨生活架 ~~~

    回覆刪除
  5.  
    [版主回覆01/25/2010 10:01:00](Empty)

    回覆刪除
  6. 學校木檯依舊,真的?
    [版主回覆01/25/2010 10:02:00]睇相就知啦, 間學校到左1989年結束...

    回覆刪除
  7. WING BLOG 小小的收藏2010年1月25日 上午12:08

    舊時舊物~
    [版主回覆01/25/2010 10:02:00]懷念非常~

    回覆刪除
  8. 舊事總叫人回味~
    [版主回覆01/30/2010 13:34:00]回味中少不免有點唏噓 ~~

    回覆刪除
  9. 耶和華應許大祭司2010年7月10日 下午12:57

    時間性不斷流水無情,難得舊夢重溫
    [版主回覆07/10/2010 21:55:00]耐唔耐都會發夢夢見以前學生的日子~~!!!

    回覆刪除

隨機精選文章

追蹤者

Powered By Blogger