如果要買超合金玩...

...繼續閱讀

網圖

如果要買超合金玩，我諗首選係大鉄人17，事關咩萬能俠果堆嘢始終都係動畫片集，而大鉄人真係特撮片，配件包括飛行機、鑽地車都適合做玩具，合金玩具造型同片集一樣精美，當然重有三郎果架非法改裝車啦，簡直係大家童年夢想之物。

其次係百變龍，以前有副要塞基地模型，砌左之後有升降台升高個機械人，又可以發射戰機，玩味性極高，令人懷念，之後出過復刻版，檔主都曾經擁有，但諗下又唔會捨得砌，結果都賣走左囉。

最近阿過氣童星又有新搞作，就係斥資製作百變龍大膠公仔，過程力盡完美，十分佩服佢對玩具嘅熱誠，成為一班老餅膠友心底童真散發嘅火藥引。

佢最近重介紹左一個高手名字，西村祐次，日本著名特撮道具收藏家，大膠製作團隊更加問西村先生借左百變龍道具頭套作為造型參考，現在大家來睇睇西村先生部份珍藏，網圖。

尋人

...繼續閱讀

尋人，岑志昌，聖言中學畢業，見字和我聯絡。

這張是近日畫的東西，盡量似返個人，可惜人非人，香港盡是個妖獸都市。