談友誼

好奇地去左所謂朋友嘅賣物竇口，發現佢將我送俾佢嘅野轉售，其實送左出去嘅野佢絕對有權處置，話晒點都好過厲手掉左佢咁嘥吖！賣得出係人地嘅本事。

...繼續閱讀

見到朋友K賣左件野俾人，對方一個屈尾十準備以更高價錢轉售，已經唔到原物主控制啦，俾你發現就話啫！人地用左第二個戶口做買賣都得卦！最差就係響呢度食又響呢度痀咁先核突。

所以好少check返自己賣過嘅野去向，求其清左佢就算，蝕又好賺又好，都係一時間嘅風光，未必代表永恆。

做人應該睇得開，現實中更離奇更荒謬嘅事情嚴重過呢D雞毛蒜皮事啦！嬲得幾多？人地同你貴親咩？當俾人賺下水腳囉，如果有人肯落疊嘅話，一家人都未必啱咀形，更何況一D似識非識嘅所謂朋友？

唔好以自己標準去判斷人，人家唔係你肚內迥蟲，點會聽你枝笛吖，你以為你係邊個呀？所以非常睇淡呢D所謂友誼，緣來緣去，根本就係好自然嘅事。

又唔敢講自己到左人到無求嘅階段，至少唔使睇人面色，已經快慰無比。

班電車佬會話呢D係佢朋友，我當呢D係有限資源擺設，幾難得有位擺出黎，生活真係要搵D野黎調劑一下，咁你知唔知呢D叫做情趣？望下都開心。