Hi， 我係lark， 一個積極地消極嘅人囉，哈哈，假如你問我寫完野無人睇感覺會點？ 就等於打左八圈麻雀都未曾開胡一樣， 心到震埋~~
哈哈， 其實你睇到呢段字即係有人睇啦~ 曾經鍾意買下馬仔、打下麻雀、睇下足球，最弊完全唔入腦，人地如數家珍咁，我就學極都唔識，記唔起馬名、球員名稱，甚至於番數都唔識計，淨係識俾錢就得？
檔主是個怪人，手機沒有上台，寧願要散餐低用量八元一個鐘上網，茶聚飯聚時才會實地現場報導，盡量利用場地提供的Wi-Fi服務，否則極少用手機與外界通訊，在街道上只會專心行街，乘車都是默默地坐著，沒興趣看甚麼串流影片，個人覺得充滿自由意志去做/不做每件事，不隨波逐流不群不黨自得其樂，畢竟早已屆充滿個性的阿叔輩。
18歲時被人誤認25，原因天生樣貌老積，很多年前和友人上戲院看霑叔電影「大咸濕」，朋友竟被帶位員查閱身份證，令人啼笑皆非，大家年齡相差最多一年半載，某農曆年除夕，往文具店選購雙面膠紙，竟被店員稱呼阿叔，當堂語塞，看來看去大家差不多年紀吧？別亂認細佬喎！XDD
