2010年7月27日星期二

聖言中學舊貌(一)

也有很多年沒有回校,上次應該是因為投考公務員而補領畢業證書。

以為中學會考成績單便是畢業證明,畢業三年後才取回證書,真麻煩。

外牆掃上柔和色彩,感覺不錯,記憶中仍存著那份殘舊感覺,一切變化中。

  檔主向來沒有運動細胞,曾經在這裡上體育課。

  個人較為喜愛到球場踢足球,因為可以站在一角不動。

這裡忽然變成七彩蝦條地方,真有趣。
現在學生真幸福,有冷氣嘆。
回想起傻頭傻腦的檔主竟然也犯上校規,星期六Full detention 面壁,哈哈~~!!!


2011年嘅2月,Last Day臨近嘅日子(註:校舍搬遷至清水灣),仲喺 #藍田 舊校舍嘅一班聖言嘅同學仔好有勇氣咁做左呢件事,相信對面嘅女同學唔多唔少都有啲心動 ,即刻睇片!兩個字:#係青春呀

所有圖片影片轉自相關面書專頁,感謝那位學弟的上載。


//2013年4月27日下午,從藍田聖保祿中學對開的安田街,仰望當時已經空置的聖言中學的舊校舍。聖言中學於2011年9月遷往位於佐敦谷的新校舍後,該校舍便告空置。現時該處為國際學校Nord Anglia International School Hong Kong的校舍,於2014年9月啟用。//

為了令內容豐富,加插一些昔日校園生活點滴:

八十年代,一本中華英雄,三蚊左右,藍田茶室碟頭飯好似六蚊,以前一舊飯淨係識得幫襯學校飯堂,朝早食火腿上湯伊麵,d滾水唔熱都照食,因為肚餓自然無要求,自助飲水器就俾人較到可以啡到上七樓咁高,跟住就好似拋物線咁彈返落幾丈遠,操場各類人佔領山頭,一味嘈喧巴閉,講講下學生生涯十足監獄風雲咁,一個個到時到候排隊返課室/倉,有人嘅地方自然有爭執,到家陣打工,大家都係被困在一間建築物內,消耗光陰,人生就係咁,唔想咁樣,可以點樣?????? 一串問號~!!

記得『好𤓓』(意味好瘀、好落後、好娘咁解)呢個名詞響八十年代初已經非常流行,某年九月升中一重要阿媽帶開學,係咪娘爆呢!好少搭車出街成個鄉下仔咁,由紅磡去藍田返學。

去到學校操場搵隊排又俾人老點排錯隊,重俾隔離高年級學長恥笑,於是童年陰影對呢間學校印象甚差,好一間藍田第一爛透中學。

8 則留言:

  1. 我都有接近二十年沒有返到中學了,還記得中五畢業那年,學校辦什麼步行籌款買冷氣,他奶奶的錢和力都出,卻無福消受!
    [版主回覆07/27/2010 21:34:00]記得學校影畢業相時要著校褸,我就問人借,反正都唔慌會升讀原校~ 連相都沒有購買.....謝師宴也沒有去,瀟灑~!!

    回覆刪除
  2. 我對中學的情境,已很迷糊了
    [版主回覆07/27/2010 21:36:00]感覺很複雜~ 又愛又恨~

    回覆刪除
  3. 剛畢業前數年,都會常返母校留戀,偶爾還會夢到讀書時的環境和同學....
    唉,人生走得太快...........
    [版主回覆07/27/2010 21:41:00]走得快好世界, 學校和辦公室一樣是令人虛耗青春光陰~~  好在後者有人工收~  

    回覆刪除
  4. 我從未回過中學母校一趙,反而有位老師我們一班同學會在她回港時出來聚餐
    [版主回覆07/27/2010 21:45:00]其實中學已經有了親疏有別的格局,你何時遇上頑劣學生和老師聚會?

    回覆刪除
  5. 檔主的中學仲存在都係一件不錯的事, 仲有無聯絡中學時好友, 至少可以耐不耐行下以前熟識地, 我的中學~~新法書院都不存在, 以前既人亦無見返, 有時覺得自己好似一個沒有過去的人
    [版主回覆07/27/2010 21:52:00]都好少聯絡囉,有兩個同學都住響屋企附近,偶然也會響街度撞見,發兩句up風,君子之交淡如水。
     

    回覆刪除
  6. 耶和華應許大祭司2010年7月27日 下午2:52

    我返母校時已人面全非~
    [版主回覆07/27/2010 21:54:00]回憶總是美好~ 把那份感覺長存心底~~!!

    回覆刪除
  7. HAHA~我都好耐沒返德田了.....聖言真係無乜點變..
    [版主回覆07/27/2010 21:55:00]外型無點變, 入面既人全部唔識咯~

    回覆刪除
  8. 呢度係德田聖言中學黎喎…原來你係讀呢間中學…懷念下都唔錯嫁
    [版主回覆07/27/2010 21:57:00] 無咩好寫~ 就發下回憶夢~!!

    回覆刪除

隨機精選文章

追蹤者

Powered By Blogger