當年今日●暑假的回憶

小學年代暑假，正宗四十多年前嘅今日發生嘅事，當時響屋邨舖頭打躉，離遠有位大叔被人追斬，咁啱咁橋走到門口躲避，坐正響門口，滿身鮮血，檔主年少無知完全唔識驚，唔記得邊個報警，差人黎到影相落口供呀，送左果個人上救護車，件事完晒要自行洗地，都幾大陣仗 。

...繼續閱讀

有人話屋邨龍蛇混雜，治安唔好，呀！住響度又唔係好覺，正所謂人不犯我我不犯人，只要唔好屎忽痕多事幹，都好少有事發生嘅。

2013年11月9日說過：曾幾何時麥記杯奶昔夠杰，枝飲管棟得響中間唔郁唔跌架~ 

今(昨)午重遇此奇景，當然要拍照留念。

話說幾十年前幫屋企手送貨，美其名幫手，其實留響車度看住部客貨VAN就真，有得吃牡丹樓漢堡包同奶昔，至於真正落手落腳做，就是中學年代暑假(無薪)去各大酒樓交貨嘅時候。