做左網民十幾年，起碼申請過三五七個電郵帳戶配合唔同需要：登錄幾個網上討論區，化身唔同身份出現留言，由於有d區域設有會員制，要登入有留言回覆兼儲分，有d帖要你儲夠一定分數先有資格參與其中；申請網上拍賣要兩個戶口，「黑面果個」用黎響競投過程中「浪」價，作為賣家可能有件野唔捨得賣於是搵另一個戶口拉高價錢趕絕其他競爭者，同時亦可作假買賣互俾評語之用。
檔主曾經擁有三個hotmail，四個雅虎戶口，用黎軟件登記啟動之用，到面書開始流行，整幾個隱形戶口以備不時之需，家陣好多網站都歡迎以面書戶口登入，認真方便，交換條件極可能係作為商戶宣傳推銷之用，唔想真正戶口被賣豬仔？用空殼戶口登入，藉以避開個人私隱或通訊錄被廣告入侵。
呢d咁嘅行為其實有d自欺欺人，在網路上睇過咩做過乜，老早有cookies記錄在案，例如用面書同時上youtube睇片，睇過d乜，下次網商會推薦你可能會有興趣睇嘅內容。
一向有把戶口資料密碼記錄在file，近日發現唔小心將舊檔冚新檔，大穫！好在有d野有寫低落紙度，但係都有d戶口已經用唔返，hotmail最為嚴格，要多重網路認證，之前寫低果d pw 已經失效，恃住有file記住，改到烏哩單刀，最衰已經唔係好記得果條安全提問係乜？
最有趣經歷係多年前其中一個戶口曾經收過一封電郵，內容係某學院機構分享會員活動情況，甚至係一d私人聚會邀請，檔主估計「真正」收件者正係法律學者張某某，唔知點解咁橋有人將我虛構人名嘅電郵戶口登記到機構通訊錄之中，而我一直收到呢d奇怪電郵咁衰又無即時覆佢，話俾佢知send錯啦老友，於是半自私地偷睇人地私隱，好啦家陣無得睇咯。
以前有租碟店時， 抄了很多片子，今天才看「奪命金」 & 「消失的子彈」， 上星期看過「竊聽風雲2」， 都是四五年前的舊片，積存在硬碟多時，現在看戲多數停下看下找東西吃，連續個半小時默默不動根本沒可能了....
早前電台說起十級孤獨事，有沒有說「一個人行玩具店」的經驗？那裡多數是一家大小活動的地方，即使運吉也是親子運吉團， 昨天檔主要到電訊商辦點事，剛巧店方未到時候開門營業，於是在附近四處流連，漫無目的地給我發現「XX天地」，順理成章跑進去涼冷氣消磨時間，最有興趣看氣槍，地方寬敞才真正行得過癮， 齋睇開心，買野？好難囉，在二手唱片店的話可能會破戒~!! 😅
如果要看一個故事，寧願它是套電視劇， 短篇剛好，内容不要拖泥帶水，現在心儀的，因為它是人演的mv劇，演員面孔新鮮，以舊歌穿插其中，這個前傳實在符合市場需要，令人回憶昔日美好時代，在那一千八百秒內暫時逃離現實，多好！
聽discman要换碟，要有避震，耳筒要加多層海棉可以增加重低音，買walkman首選sony，次選愛華，信和只有唱片舖没有玩具店，卻有首辦店也有漫畫店，還有租渡假屋的舖子，你有你喜歡中山美穗，我也有我的工藤靜香，今期乜乜漫畫出左未？還有幾十蚊已可買到「痴心眼內藏」CD的日子，到戲院看電影前先來光顧冬冬雲吞麵，或者到遊戲機中心打過街頭霸王，拍照了要去沖印店曬相，租LD要去德發商場，去花園街女人街買冒牌牛仔褲，配一對「添笨靚」帆船鞋，睇Yes雜誌看潮流看Yes女郎看倪震寫毒X明，那個時候手機還未完全普及，約了人可能要在電話亭等，諸如此類，令人懷念的(九十)年代就這樣過去。
#discman #唱碟機 #唱片機
