睇曾先生響施政論壇，一味頭茸茸，睇貓紙講野甩甩咳咳，深知呢份工呢口飯真惡哽，正所謂有諸內形諸外，真係難為佢重屎撐落去，為左不負北大人所望，換來窒口窒舌，咁又何必呢？
果d對特首之位虎視眈眈既一眾之士，究竟有無咁既料子以德服眾當上下屆寶座？
政府不如同媒體合作舉辦「十人巷之我要做特首」，提高政府親民形象，咩都做唔到，至少都可以娛樂大家，引人發笑一下。
假設大家知道咩野叫做「十人巷」，否則都係轉台吧。
考驗十位(如有)候選人環節如下：
每位候選人在瀑布下穿上當布，十足相樸手咁款，抵得流水淙淙之寒，証明身體有番咁上下健康，先可以日理萬機，統治地球。
考 EQ、急才，搵黎社民連主席黃毓民先生考考諸位候選人口才，一於舌劍唇槍，俾人小極都唔反檯，唔講狗蹹者可獲加分。
政局常識問答比賽，考候選人對工作認識是否足夠，連屬下伙記工作性質人事關係邊個打邊個都唔認識，做黎把屁？
體驗民間實況，真人騷，七天內居住在貧困生活中體察民情，利用高科技偷拍睇真候選人虛偽與否，能演活七情上面者將授予演偽獎項。
「乸形」大測試，搵白花油王子出黎，卒候選人大比，卒到起泡，如果即時反抗既就加佢分，如果為左討好評判就範既，要接受酷刑，搵剪超細佬剪奔，剪狗七佢，面臨被淘汰。
聲音大測試，叫佢讀篇橋口又杉手既文章，例如講「戇平三六寧」好似娘娘腔口音者，施以極刑，罰飲晒唐唐屋企d 紅酒，如果受罰者乃唐唐，自隊可也。
舉辦單位會引入一部測謊機，機器會記錄各候選人過往在公眾發表之言論，資料由各大傳媒提供，憑機可測試候選人有沒有試過當政府大小官員議員發生事故後都加把口抽水者，抽水越多者扣分。
美色引誘，大會重金禮聘，周秀X等o靚模色誘各參選人，雙方近距離接觸，臨危不亂舉......手投降，毫無反應者值得加分。
哈哈~ 至於重有咩環節要加，不如由你提議一下，政府改善(簡稱政改)公眾諮詢日期為 2046年6月30日。內容突出合資格者將拍成短片於Youtube 播出， 鬍鬚佬會等你變成化石之後，公佈結果，詳情請睇三七期香港電視、太公報、玉郎電視 & 金電視，環節由神奇女俠酒吧，Wonder Woman "BRA"特約播出。
打出十人巷，我要做特首，由大班周卑鄙肉餅贊助播出，陳至淫(Philip Chan) & 講野一樣窒口窒舌嘅小森美戴維B 主持，星期六晚十一至一狗肚山電台播出，合作做媒睇 「之two 」。
