呢幾日忽然關心天氣狀況，聽日無論咩訊號一定唔使返工！我話嘅。😂😂😂
搭小巴最怕遇到懶熟口面師奶乘客，一個師奶都可以響車廂嘈喧巴閉？通常佢專楝坐響司機位後面一輪咀同揸車阿叔講野，成車人都聽到佢投訴同路線司機飛站唔等佢，撞啱果日佢身體唔舒服等車慶過辣雞，阿叔都知同事有前科，覆述被投訴司機解釋話：D人都唔揚手截車，點知你係唔係上車？
檔主以前都搭回程車返屋企，就係見師奶講果個「暗khan」指定上車位置，司機特登停車，個途人原來都唔係搭車，表錯情，結果以後認定對方揚手示意先至停車載客，邏輯上又係啱過喎，成條街咁長點分途人定乘客先？所以話，人嘅身體語言係幾咁重要，有d野要雙方互動禮尚往來而唔係老逢架！
話時話呢個師奶聲大大巴巴閉，平時又話打牌贏幾多又乜又柒，態度囂張之極，俾著我做司機都飛站唔載，寧願耳根清靜好過啦！
分享一張貼題相，2012年4月份黑色星期五，上唔到network...咩都做唔到...辦公室服務幾乎要暫停...咁滯！😂😂😂
