檢測奇遇

話說今早到檢測中心例檢，在路途上遇見類似女子(設計圖片)，當然真人躉大D，這種緊身褲簡直是殺人眼睛的武器，常人也喜歡欣賞的美臀，檔主急步率先進入中心，辦理手續後直往檢測室，卻發現她剛檢測完畢，到自己步出離開，她在運動館外做早操拉筋，從裝扮特徵看肯定是同一人，真幻海奇情！

期待下星期的再遇，養眼多次啦。

後記，想起她如何打尖，她向當值職員說先前拿了樽仔出去一會，我見她就是折返途中，老奉地從後門回來，所以她可以快人一步檢測！

賣野隨想

正正應驗左一句說話，有頭威冇尾陣，初初響旋拍好好生意，曾經同時間有三條友一齊交收，志在清理雜物，有蝕有賺，賣得最貴係成千蚊三盒防衛隊戰機，近兩個星期生意急速下滑，社群俾like多過幫襯，有屁用咩？

圖中大鐵人17超合金好倖要，以前片集播映時，要用電子戰隊果個超合金機械人運用想像去扮大鐵人，根本兩隻都唔同款。

假設呢個平台賣家多過買家，咁D野就算幾好，都好難賣得出，以前想要嘅，唔代表今日都熱情如火，睇返實體寄賣店貨品堆積如山，香港地家居面積有限，假如遇上人生另一階段(搬屋、結婚或生仔)，個個都話要斷捨離，搵阿強同你要咩？你睇個個通屋都係嘢要清，就知點解。

最有消費力嘅，都起碼四字頭以上果班阿哥，查實D野要買嘅一早買左，仲等你？唯有等下一輪奇蹟出現啦！千奇唔好俾人覺得自己好似山窮水盡咁，事實又冇你想像中「」，狗屎垃圾都話賣，純粹想發下錢寒啫！自己友出聲計平D囉。(邊個同你自己友？)😆

偷圖分享 賣物網貨品售價參差，上圖賣五草野，下圖號稱中古物要二百四，賣家手緊胡亂開價？咁你一定知邊個係良心賣家啦卦？ 

利伸：我唔係賣果個。

家陣D超人面具造型造得真係好似，話時話有膠袋果件影得立體感多D喎。