2019年12月11日星期三

街邊小食


以前住公屋或者蒲紅磡廣場果陣,都會食下呢D小食,我個年代屋邨檔口邊有用發泡膠外賣碗食㗎!想買外賣要自備碗碟器皿,D檔主直頭用飯碗裝翅同魚肉,D客食完要預備筒水洗碗再用,架木頭車改裝有個火爐,上面放個金屬面盤做煲(見下圖),咁就係咁滾住煲嘢,當時檔嘢本身係間舖頭,前面擺張帆布架起個車仔檔,當正擴充營業咁款,朝早就賣埋粥,放學時段就賣碗仔翅、魚肉之類呀,凍天食風味十足。


舊屋邨年代已見梗檔用呢種木頭車+火爐+面盆=搵食工具賣碗仔翅,佢地真係有落肉絲架,風味好過齋翅,食果陣記得加返D麻油 。

後尾幫襯多左,大家又係舖頭街坊,同個太子爺熟絡左,俾左包統一上湯伊麵調味料佢落煲翅度,搞勻左唔多覺,仲好食左添!

以前D人俾錢好興扇手跌左個大餅落去,佢都執唔少,正所謂眼不見為乾淨,煲野食落又唔覺有咩問題吖,正所謂大菌食細菌 。
自己亦心思思試過響屋企整碗仔翅,豆粉+豉油+水,煲滾食又唔怕肚痀。


至於生菜魚肉,見住老闆用刀削魚肉落D滾湯度,佢手上嘅碟係咁一路刮一路轉,即場表現功架,重有一樣野值得懷念,就係豬油渣麵,屋邨車仔檔有得食,但係當時我係唔知呢D係豬油渣嚟,俾錢買野食,求其有碗湯麵之類,果陣典識分乜嘢上海麵吖,食嘢最緊要方便就手,吉串一毫子魚蛋,用電話簿紙包嘅紅雞腳,五毫子食到嘅車仔麵,都令我回味無窮,小學雞已經很開心,滿足當時嘅感覺,夏天去士多飲水喉水西瓜汁,街邊檔紅豆冰、菠蘿冰、蛋殼啫喱、潛野玩,冇野好食就買粒話梅、豬肉鬆呀,越講越停唔到口,夠鐘要疏洗返工囉。



家陣已無幫襯呢類食店囉,肚餓寧願去食碗魚蛋麵,有得坐好過企街咁戇居。


縱使如此,相信只有辦公室食堂每年聖誕派對出現的咖哩魚蛋/豬皮最似樣,百分百還原街邊風味。


這張在澳門街頭拍的雞蛋仔檔攤照片。

2019年12月7日星期六

可樂精品


每樣東西也代表一個年代,一個歷史,好好珍惜已逝去的日子。



它好玩在於…自己上youtube找片看,幾過癮,看片主港式英文介紹實屬一大娛樂,相信「蕭督督」聽到也暈低,這音樂箱真真有趣,講完。




隨機精選文章

追蹤者

Powered By Blogger