做人都係出心嘅啫 ！

話說上司聽日下晝請客外賣，試下商場入面新開嘅台式美食餐廳咁話喎！通常跑腿同另一位同事負責，聰明人做揸數，在下幫手執頭執尾壯下膽咁囉，食得人地咁多年野，負責做下運輸大臣又有乜所謂吖？行兩步落樓下攞之馬，以前lunch買外賣都係差唔多腳程啫，唔通要出錢果個親自去買咩？

...繼續閱讀

...繼續閱讀

我地連負責辦公室清潔嘅阿姐都有份食，佢問我使唔使幫手攞呀到時，我話你問老細啦！查實呢D野使乜問人？做人出心出下力都好正常，點可能次次淨係又食又歷架？

正所謂有權利亦有義務，不過咁，佢都唔係響香港讀書，廿幾年前新移民果隻，你同佢講公民教育？簡直嘥氣！而家唔係貶低人地，而係講緊嘅係事實，平時好多野都講唔埋冷，初頭佢都話自己到時候會響餐廳門外等候幫手，最反晒眼係佢臨收工打掃完畢，佢同我講：「我問過老細，佢話唔使我去。」

當堂語塞。

你話咁樣問人，人地梗係覺得唔使客氣，自己搞得掂架啦！證明外賣仔(佬)一二號幾咁搞得掂！

結論係求人不如求己，幾時都係做人靠自己會好D，當然有人扶你一把好辦事，濃情銘記於心，但欠人地一個人情呢！