做人要醒水

響辦公室講野的確有弦外之音，例如：

『你真係好準時喎！』

(返工果陣某某同某某講，並非真心讚佢守時，而係話佢知人地開晒檔，佢就施施然行入黎，手都未試過幫下，俾人話果個可能重以為自己有人讚，自我感覺良好乎？)

有次重有趣，大家差唔多時間返到黎，未開機行過見到都可以順手pak下掣，佢真係話之你掂行掂過，以前d人管理好d，有團隊精神，唔通樣樣野都開到聲先做咩？做人應該一眼關七，最低限度做野唔好做七成當晒十足， 賴低d 蘇州俾人跟吖！你可以話檔主事事斤斤計較，有聰明人扮蠢呃人手段十分高明，老細都唔出聲有乜好講。)

早幾年有幸被某大SIR邀請參觀玩具工作室，人家場內開檔餐聚招呼同好，自己點都作下狀幫下手搬櫈搬檯遞下餐具，唔好成碌葛坐響度等食卦？所以話做人要醒水識做。

(題外話：既然係被邀請，大家最後要夾錢晚餐有點唐突，但要扮順其自然合情合理，唯有說無白食到雖然混左吉但有付出俾面派對入場費架當晚。)

— 覺得實話實說。