坐享其成

咁多年網民生涯，最過癮就係坐享其成嘅感覺，例如早年MP3興起，大家要下載的話，當時唯一途徑要自己安裝軟件，同時要建立一個屬於自己類似ftp嘅平台(見圖)，點對點分享，收得D歌咁上下，再擺D歌互相分享咁先至有意思，無形中收收埋埋更多正歌。

...繼續閱讀

由於早年儲存記憶體容量有限，每首歌都是以128kbps作標準，一部512mpb嘅播放器都差唔多成千銀，簡直係奢侈享受，當然響呢度唔鼓吹唔鼓勵老翻啦，但係時勢所趨，家陣已經多左免費平台聽歌囉，幾方便。

一向聽電台節目都係靠下載方式收聽，某節目改在晚上直播，檔主都係寧願選擇聽下載轉檔，另一個台會去某「科林」揾專區下載，要變相click廣告都非常樂意去做，話晒人地俾足月費重温，再免費分享喎，實在太偉大啦，感激不盡啦係咪？