無聊一問

以前住屋邨第一座向山果邊，舉頭便會望見呢類建於山上嘅大廈，而家再睇先驚，在平地建築就話好，幾十條莊腳支柱插響山上，穩唔穩陣架？話晒都幾十年樓齡，以前用料點都好過家陣卦，哈？冇屋你住就話驚啫。

話時話D居民係點出入嘅呢？爬繩攀登上落！揸車響邊條路入去？關你咩事喎！

觀塘，只有呢辣私家樓地標無乜點變。

對我講嘅野唔好認真考究，呢度唔係維基，係趕客。

星期天到慶發購買點心吃，叫兩碟牛腸和其他點心，店員見腸粉在廚房蒸製途中，馬上把剛拿了出來準備入盒的點心放回蒸籠內以免攤凍，是否這樣翻蒸令棉花雞肉質變得堅韌？干不干事只有自己推測估計，下次可以不吃棉花雞免傷腦筋，點心仍有一定的水準，好吃，正是一分錢一分貨，勝過甚麼酒樓的行貨出品。

自問娛樂口味異常狹窄，老餅東西只限兩三套，早前瀟灑地把拉打劇場版光碟也送走，後來心思思想找稍為高清版不果，刻意搜尋是沒用的，不經意發現才是驚喜，片子看過很多次，沒有字幕也看得懂，早年亞視播過，配音版才是難搵的事，陳欣配一文字，本鄉猛是黃志成，劇情千篇一律，初！先至最頂癮，回想童年時候拿起面具扮超人啦。

記起上幼稚園小息時和同學仔貪玩起腳踢人，個個風雷電，有一回被人踢中要害，活該，電視片集不教壞人，難矣。

註：在面書平台看到的內容，和這裡未必同步，網誌內的文字經修訂增補，可觀性更高呢。