心聲

今次呢幾句野只會響網誌刊登，絕不會響面書出現，點講好？哈？你以為所謂面書朋友真係你粉絲呀？講過嘅野會完全記得呀？幾十歲人咪咁幼稚先得架。

唔睇唔緊要，寫左幾次重好意思問我講果個係邊個？

你以為自己係邊個？大文豪馬克吐溫呀？冇嘅，如果個個都好似檔主咁眉精眼企過目不忘，世上就冇蠢人存在啦。

講完。

#唔明都唔好問

超人叫阿鄉？

印象中睇超人歷險記時，片集內冇人叫佢做超人阿鄉，假如叫得佢名就知佢真正身份啦！所以話"鄉英機"不嬲都隱藏身份，講黎好笑，団時朗本身六呎起碼，變左身矮左一kou，皮套演員菊池英一我估五尺七左右，哦..話時話超人係依附人類肉身啫。

班隊員又蠢，次次怪獸出現隊員阿鄉唔見左人，通常坐駕中左怪獸光線著火爆炸，彈到去冇雷公咁遠，所以有足夠理由不需要留守現場。

呢套片集都幾有趣，有演員拍攝中途另有工作在身，所以劇情安排新隊長接任，再之後為左令劇情產生震撼，連女角亦都要離開，角色被整瓜，之後聖誕果集搵個索D嘅靚女頂替，藉以刺激收視。

相信呢D大家都知，咁典解D人係要叫超人做阿香？重賴本土講法！D人為左分辨差唔多款嘅超人，夾硬叫佢做阿鄉囉！香咩香？真係唔知邊條友唔識字亂寫一通。

屎橋

嗱！故事係聽返黎嘅。

好多年前遇到過好有原則嘅上司，佢偏偏遇上個未有咁好原則嘅下屬，有一日佢發現左一堆已經多年前註銷左嘅刊物收埋左響暗角度，佢就教訓佢唔可以咁做兼且沒收左呢D刊物(十足訓導主任咁)，佢就叫佢通融下俾返佢，當然對住一個咁有原則嘅人係冇可能發生通融呢兩個字啦。(唔明就睇多次。)

結果果個好冇原則嘅人走去做左D乜柒野發洩內心嘅不滿呢？就係特登整爛counter條電話線，等冇人打到入黎(行為幼稚到離譜)，果個防盜棟篤企變左做比薩斜塔咁款，當然發生D咁嘅野一定東窗事發，好在呢個咁有原則嘅人放左呢個冇原則嘅人一馬。(電話線意外chok斷又幾奇？搬出黎清理唔小心囉，工作間人來人往行出行入，坐櫃檯嘅冇理由成日望住個防盜bar嘅。)

事件傳到高層知道(因為要搵返供應商維修拉返直佢，事前要簽文件攞批准)，當然冇人指證任何人，亦無目擊者見到事發經過，咪以為不了了之，高層建議裝設CCTV，試圖阻止事件再次發生，哈？邊有人咁X蠢再犯呢。

呢個情節寫落去劇集度都幾好喎，兩個對原則標準持不同態度嘅人原來發生左微妙感覺，條橋有得諗好多枝節出黎，到最後呢D只係一場幻象，上司調職後，"寅次郎"又繼續傻下傻下"陳奐仁"咁款。

其中一集可以講個臨時工熱愛利志達作品黑俠，放工化身成黑俠打扮，搞出連串笑話之類。

A！做人要有幻想夢想，否則咩咸魚一條你無理由未聽過架？

好多創作都係無聊諗出黎而成架啦，抄抄下又當自己野都得架。

一群悶蛋遇上另一群悶蛋●在Newsgroup新聞組認識的人

保守估計，互聯網在千禧年代開始普及，檔主經歷56k撥號上網年代，到固定用量收費後便以每分鐘起計算，有次糊里糊塗用了五舊水用量，到底密碼被盜還是忘了關掣也不打算追究，一字記之曰：蠢。

差不多年代認識圖中出帖的兄台，想起來大家在三屋舊歌新聞組時認識，轉眼那麼多年，以前常以電郵互通消息，後來大家疏遠了，幾年前重遇他，發覺情懷真的已變，我也不是那些年的「諸星彈」，哈？明明是舊香港照片群組，出甚麼山口百惠呢？或許我太執著，有些人有些事，算了吧！干我何事？

總有些人把相關不相關「相片」分發到不同群組内，說著同一番話，有些連caption也懶寫，每個年代總有人加入各式各樣群組，繼續做差不多的事，唉，一群悶蛋遇上另一群悶蛋，山頭處處，沒完沒了似的。

周星星影碟套裝

攝於DVD仍然流行的年代，強國商人永遠做些香港沒做過的產品，乜乜乜專集喎，一盒在手，哪用四處張羅，可堪回味，在這個笑不出的地方，乜中作樂，美好的日子盡在此。

一向覺得，亦是自己膚淺的見解，網絡人流凋零才是好事，人人勇於面對現實，不用再向人說做過甚麼，吃過甚麼，請大家鼓掌按讚？圍甚麼爐取甚麼暖？現在夏天啦。

家有喜事碟面顯示的是特別版內容？

又講搭熱狗巴士

無聊影相也有用的，記錄一段由學生年代開始乘車回憶，及至社會打滾迫車的體驗。當時不知熱狗巴會退役，此乃十多年前拍的照，你以為恆常事物不變，都是一廂情願的想法。

當遇上打風落雨，看見其他乘客關窗時候，竟然有種窩心的感覺，還是暗罵很焗呀？凸你。

熱狗車費較平，不用看那個螢幕播的無聊資訊，耳根清靜，看窗外街景/風景，夏天時坐上層第一排開著窗通風，爽！還有有人曾經自行寫上車廂告示「不準站立DH」，通俗市井兼而有之。

上面兩張都是網圖。

聽人講嘢 信邊個好？

聽人講嘢，有時都唔知信邊個好？A講A版本，B講B版本，唔係講禽晚套劇，而係電台節目，話說果個成日懶幽默嘅大肥佬早排響網台節目話，九幾年油麻地果頭某大廈發生火警，事件轟動全港，據聞當時燒左好多珍貴寶物，肥佬澄清話冇燒到。



近日有當年響果度打工嘅「蒲雕耍」接受訪問時話，當日好彩逃生得快，後尾返去見個辦公室熏黑晒，「阿森」、「婆乸」嘅嘢全部燒晒，有D嘢就算冇燒到，都用唔返，咁你信邊條友講嘢吖？

拿拿拿，一於呼籲叫呀肥佬響節目度唔好飲酒兼亂講嘢，你係永遠都學唔到霑叔嘅才華架啦，做返自己吧啦。

荔園●去玩的記憶

本篇收集不同年代的荔園網上相片，無非令大家充滿共同美好的回憶。

查實去荔園玩又係印象模糊，幾十年前的事只有難忘的才記起，看大象、掟香口膠一定玩過，家人被小偷打荷包好像沒說過，在園内垃圾桶找回失物，小錢包内裡空空如也，幸好損失不多，那些年未規定必須携帶身份證上街的，不用補領。

有一年，家姊學校舉行賣物會，帶著小學雞弟弟(在下)玩耍，不知吃了多少串魚蛋，真是難忘的回憶。

到家中各人投身社會工作，某年連鎖零售店所屬集團在某著名運動場舉行員工同樂日，檔主以家屬身份參加，帶著姨甥玩攤位遊戲，憑票尾又有得吃也又得玩，活動結束前進行散貨，把剩餘物資分發送給參加者，其中一項戰利品就是捧了一箱非粒子薄荷糖回家，人人滿載而歸。

「花椒之味」

昨晚電影台播「花椒之味」，難得時間夾到，算不算慕名而看？只知道是剛舉行電影頒獎禮候選電影之一，哈！連有沒有獲獎我沒有留意，以甚麼項目提名也全不知，看戲就是讓觀眾感受箇中帶來的訊息，假若得獎也是錦上添花而已。

看片頭字幕才知是改編自小說，格局很像日本片，當發現「處處碌柒與邪陽」有份演出，算了吧，要看sammy和其他女角，一個有少少林青霞的倔強氣質，另一個像王菲那個好友(不記得她的名字)，算是一次中、港、台三地演員集會吧，不劇透，自己可以有耐性看這類倫理劇情片。

看劉華客串幾幕，不難發現歲月催人的他面龐兩側隆了起來，為了不想「法令」深深顯現，便要這樣那樣向左右伸延，連小齊也有這個結他pick標記，那三角部份膚色很深，要靠上妝掩蓋，至於sammy，甚至其他八十年代出道女星，一樣要靠科技保青春，增搵食條件。

乜你真係信凍齡呢樣嘢？

是誰為她的眉化妝的？有點左右不對稱，難怪要靠右邊頭髮垂下稍稍遮掩吧？

現在發覺看戲過後，那種回味感已消失了，以前離開戲院時還有意猶未盡的感覺，或產生令人像吃一頓豐富晚餐的快樂，是時代令人變得如此麻木？

轉載【非常人‧非常事】星爺台灣留宿怕黑 紅女星出沒酒店－（白露眉）

自1988年開始認識周星馳，當年他拍李修賢監製的電影《霹靂先鋒》，我去片場探班，修哥介紹了這位電影新人，感覺上他態度很好，問他取聯絡電話，當時手機號碼、傳呼機號碼和家裏電話，他都寫了給我，不過後來他返回無綫拍劇，之後基本上與他接觸不多。直至90年代初，他經常拍向華勝公司永盛影業的電影，與星仔開始加深了認識，覺得他是一個高傲孤僻、有才華、數口好精的怪人，還有非常內向、寡言、缺乏安全感、好自我為中心，帶點害羞。

記得2003年8月，星仔正在上海拍攝《功夫》，有周刊報道他住的酒店房間，半夜走出髮廊妹，之後星仔曾解釋該女子是一起住套房的編劇曾謹昌的友人，而自己一概不知情。新聞見街當日，朝早10點與星仔通電話，他為了此事好生氣，問我：「你信唔信我會做啲咁嘅事，我使唔使去搵髮廊妹呀！呢件事同我無關，你信唔信我呀？」當時還未睡醒的我回他：「我又唔喺現場，單新聞又唔係我做，點知呀！好眼瞓！遲啲再傾啦！」星仔依然不停說：「咁你識我咁耐，覺得我會唔會做呢啲事呀？」回他：「真係唔知喎！你對感情事一向都係神神秘秘！畀我瞓啦！」星仔：「而家我都嬲到瞓唔着，你唔話信我，你都冇得瞓，我唔會收線！」與他在電話中糾纏了10幾分鐘，我說：「唔講啦！」然後我都不理他，把電話掛線了。後來他為此新聞，曾狀告周刊，最後星仔接受和解獲巨額賠償。

講起他的奇怪思維，記得有次我人在台灣，李修賢出席活動時，以老師的語氣叫記者轉告周星馳：「做人要厚道，錢不是萬能，朋友始終最寶貴。」新聞見街後，我收到星仔打來電話，他說：「你做乜咁樣寫我？係咪你搵佢出嚟話我？」我一頭霧水說：「我都唔知乜事，我喺台灣喎！你係咪太睇得起我呀！可以叫到李修賢出嚟話你，仲有我有乜動機要做呢件事呢？」之後星仔就收線。又有次凌晨4點，收到他來電是嚇一嚇，以為有甚麼緊要事：「嘩！做乜咁夜打來？」星仔：「吓！好夜咩！幾點呀？我喺L.A.，呢邊係下晝，你瞓咗未呀？有嘢想問你……」原來是閒話家常。

又有一次，他去台灣商演，要留宿一宵，我和幾個行家去採訪，與他同住一間酒店，晚上他叫我們上其房間聊天，在房中他說：「傾到我瞓咗，你哋就自己走，唔使熄燈！」原來他是怕黑，平時出國都會找助手或工作人員同房睡，不過這次沒有助手同來，當晚只聊了約15分鐘，突然他房裏的電話響起，他接聽之後，不一會就說倦了想睡，叫我們閃人。雖然奇怪不知他搞甚麼，但我們當然聽話離開了，後來等電梯上房，當電梯門一開，竟然見到一位很紅的台灣女星在電梯內出現，這酒店真是星光熠熠。

跟他合作過的人如李修賢、王晶、杜琪峯、向華強太太、李力持、洪金寶、吳孟達、高志森和林小明等都對他有意見。也許與他拍戲時的認真和執着有關，他習慣堅持自己的主張，好多細節上與合作夥會出現分歧，如果對方不讓步就好容易反面收場。有幾次去到片場探班，見他與王晶在現場爭論劇本，一般都是王晶投降，依照他意見去拍攝。當時他已是票房靈藥，票房號召力與成龍、周潤發並駕齊驅，三人更被喻為「雙周一成」，大家開始叫他「星爺」。

升格星爺做導演後，在拍攝現場，人變得更有自信，幾乎是唯我獨專，當時坊間傳出他與動作指導洪金寶（三毛）拍這戲期間出現好多矛盾，後來三毛就黯然離開戲組。當時三毛私底下已和很多公司說過，不想與星仔再合作，但世界是圓的，約一年過後，有晚我與某紅男影星約了幾位朋友在半島酒店的The Bar餐廳聊天，剛巧遇見星仔與三毛坐在一起，見到三毛同星仔傾了不夠一個小時就先行離開，之後星仔用電話whatapp我：「過來傾吓！」我坐下來就問他：「你同三毛唔係傳不和咩！做乜你會約佢？」當時他說：「傾吓偈啫！冇乜特別！」我說：「信你至奇！」後來據我所了解，星爺是有部新戲想搵三毛做動作指導，所以主動約三毛出來，但當然沒有下文啦！
　　
記得好幾年前，《蘋果》列了一個巨星片酬排行榜，星仔片酬在某女星之後，新聞見報後，他又打來投訴：「有冇搞錯，話我片酬仲低過佢！你知唔知有外國公司出過乜價搵我拍戲，不過我推咗冇接咋！」我說：「冇接到就唔算係啦！你係咪肯公開回應呀？」他卻說：「咁我又唔會公開回應喎！其實你真係對我唔好，冇當過我係朋友。」我回他：「星仔唔好玩啦！你點會當傳媒係朋友呀！我覺得你都唔需要朋友嘅！」曾經有跟他合作過的電影人告訴我，說星仔不知是否真的沒太多朋友還是工作狂，大年初一、二、三這些大節日，都會找人一起開工做後期或開會，他自己不過節，也不考慮人家要不要和家人朋友過節，但因為他是星爺，不少製作人都欣賞他的才華，所以他一聲號召，大家都願意放下家人與他一起開工，這也是他在電影世界擁有的魅力。

白露眉

變

(網圖)

八十年代睇港漫，有時要靠交換，借返黎，或者人家二手睇完轉贈之類，莫講當時三兩蚊，六蚊一碟飯已經係中學年代發生嘅事，見同學仔有日版青拳狼都不知幾咁羨慕，當時出中華英雄修訂本第一期，檔主諗住痴鄰居睇，所以冇買，第二期先開始自己買，中途竟然漏左一期冇買到，果時又冇諗過去舊書檔補購，真係搞笑，幾十年後諗返，去到尾故事無里頭搵人續寫，睇風雲又係中途放棄，馬傻其他書已經冇興趣再買，感覺憎人富貴也，睇故事睇足幾百期都唔完真係荒天下之大謬。

港漫真係十分悶蛋(非常唔理性的批評)，主流嘅都係打來打去唔知做乜狗！

查實消閒娛樂野已經不斷轉變，唔做呢樣可以搞第二樣，已經好少見人靂住本公仔書周街行(睇手機居多)，有咁上下年紀都多數清野求售為主，君不見某大回收店各類消閒貨品堆積如山塞滿店內。

只能講今時唔同往日，情懷轉變就係咁簡單，正如以前嘅blog友，唔代表佢今日仲係你面書友，緣來緣去何必強求。

官塘翠屏道邨生活照

那些年在邨內做點小生意，都是有趣的回憶。

懷念那部水冷式汽水機蹤影，每次換水就奉旨玩水，大約九十年代屋邨拆卸重建前機器已轉手他人了。

當年響舖頭後門影的，相中小朋友如今都有四十多歲了，穎仔你好嗎？

繼續自我陶醉，大家眼利的話，會發現矇矓相中的黃色FairLady車仔，至於電視機旁邊那件模型已記不起是甚麼了？大家可從外型看出是甚麼動畫，要買幾盒才齊套的模型。

那年代的小學位於徙置區地下單位，佔用十多個鋪位而成，身為小學雞的我隨街小便乃理所當然的事，某天在店前小解，對面不遠處看見鄧泳甜老師剛好路過，她看見眉頭一皺加瞪眼扮作驚訝表情，細路仔有露械特權倒是真的。

住在翠屏道邨的人便知道這裡何處，後期學校體育堂就在這裡上課，最意想不到的是鄧老師竟然教體育。