Apollo18中文混音Super Remix卡式帶

已經唔記得幾時買呢堆 cassettes帶，果時托部CD機去葵涌維修中心整，次次都整果個托盤齒輪，零件膠硬化好易碎晒，前後都換左兩次，每次搭巴士去佐敦再轉車(一向唔搭地鐵)，真有耐性同恆心。

去到大連排道果頭，梗係當藏寶地搵野買，見到檔舊式卡式帶專賣舖，順手掃左好幾盒，屬於八十年代中文混音口水歌，歌名見圖，都係一種香港特有產物，製作公司搵一堆聲底似、熱愛唱歌嘅人主唱，買家志在聽下價廉物美代替品咁囉。

D帶都有三十幾年歷史咁耐囉，我買都有廿年咁上下。