不想這樣，可以怎樣？
記錄那天冒著寒雨打傘等待，大家戇( ) ( )， 今天竟遇上了一個變態的檢測員，句號。
順道在此分享多年前的經歷。
今朝排隊等小巴返工，排我前面個運動服學生妹一味行左行右望前望後，好似中左"古"毒咁，檔主睇見眼都花，真係好想同佢講：你企定定咪卵擰來擰去得唔得？(以檔主咁和善嘅性格又點敢開口，分分鐘俾佢串返轉頭：「阿叔關你閏事咩？」
你知啦今時今日D童黨朋輩已經唔係人咁品，激屎老豆老母多過食飯個隻。)
良久，終於佢同學出現，一野攝埋去佢個位度，真係失覺晒原來玩打尖！心諗對第十六個等車客好唔公平啫！個個都趕返工，萬一我變相做左第十七個上唔到車一定凸鳩佢(講就兇狠做就碌撚)，好在都重有位上！難為上唔到車果個。
兩條屎靚妹坐我後面位一輪咀係咁講野，證明雌性動物早有基因口水多過浪花！
返到工作間以為遲X大到，係就係，老細原來今日放左假，無人知！今日會係輕鬆工作日。
個案二
通常返工搭車來來去去都係果班人，所以今日又撞見呢位「心急人」先生，一d都唔出奇，只覺得好笑。
話說排隊「送車尾」係人都應該試過，假如架車未滿客重有一個位可上，係咪排頭位果位乘客上先？Common senses當然係啦，唔係排隊排黎把屁呀？
數落自己排第五，排第三果個阿姐竟然想衝前執屎雞上車喎，正想行去半秒之際俾排第二果個哥仔用身位擋住，繼而指揮排第一果個大叔上車，哈！搭咁耐呢條線，都係第一次見有人出手維持秩序。
車開走左，如此類推，檔主排第四個，等左十分鐘左右，有車埋站，從後方視線隱約見到排第六(約莫)果位主角「心急人」身影，似乎佢真係好想衝上前搭車咁款，嘩？使唔使急成咁呀？你都要等前面乘客上左車先啦，係咪？
良久，架車駛到「心急人」準備落車嘅位置，佢又企響車門前等落車，完全就係上次果個人黎，司機話過埋燈位轉埋彎先落啦，咁佢先識搵返個位坐定定。
本文無乜主旨，香港人唔想遲到就下次早d 出門搭早一班車，或者直頭伸手搭的士！就係咁簡單！
