剪帶

禽晚用mine聽禮拜五守下留情，個人喜歡用電腦重溫節目，用鴨屎聽D聲好散，電腦有subwoofer厚聲D，特別係聽音樂節目正D，是晚聽嘅動畫歌，聽就聽過，卡通無點去睇，都唔係集集有睇，小甜甜無睇過，小忌廉有乜好睇？好娘，但D歌幾好聽，小丸子間唔中有睇下，至於松本零士果兩套名作睇過下已經唔記得，千年女王N年前星期日重播先至真正留意，餅帶重響度。

講過秘密你知，430穿梭機年代，檔主已經係中學雞一名，足球小將、黃金戰士、六神合體果堆動畫根本無乜點睇，反而響書店做先聽返D歌，搵同事錄黑膠囉，家陣都好少聽動畫歌，呀，搵次扮D丁分享呢堆歌，可以有D新鮮感俾下大家。

最近又了起條筋，再次將人地電台節目剪剪剪，廢話剪，將兩節夾埋一節，前後呼應歌曲駁埋一齊，又冇影響内容，果個燒叔叔講野作狀到暈，真係唔剪唔得！

其實係好少翻聽，志在話自己懶叻，將人地踏晒歌講野變fade out，冗長roundup修短佢！保留精彩内容。