屋邨年代的如蘭節

...繼續閱讀

圖片轉自屋邨群組，22座松園冰室附近拍的照片。

今日係如蘭節，無寫錯字照蔡大師編撰通勝日曆上所示，好奇問，乜唔係「盂」而係「如」？

又講返小學年代屋邨事，相信區內潮州冷佔大多數，響呢個節日期間，好多居民響屋邨範圍堆起大大小小沙堆，放置香燭祭品拜神，返學放學路過都要小心奕奕，以免被辣親，誇張到連行人路都有插滿香燭嘅沙堆，碰啱天時暑熱，我地舖頭間唔中都有人幫襯一樽二樽汽水，作貢品/解渴之用。

記憶中潮州人士直頭搞過盛會，好似都有派米，重有人走黎問攞水，咁就響水缸斟俾佢。

其中一項活動就係搞盛宴，至於慶祝 d乜已經唔係好記得，一圍圍咁食盤菜咁款，響屋邨之間空地搭晒帳篷，有晒檯檯櫈櫈，杯杯碟碟，十足茶樓開餐咁！好熱鬧架。

正宗響正店外門口搞，平時響舖頭耐唔史都聽到好大聲潮州音樂。

如今已十分少見上述情景，民間習俗是否越來越簡化？曾經住在屋邨的你可有甚麼回憶？

這類題材只有即日保質期限，月餅起碼有個多兩個月時間售賣，每當中秋節一過，馬上成為月下貨，需要減價速銷。