豆槍與回憶

偷圖分"亨" 我諗大部份七十年代成長嘅𡃁仔都玩過豆槍吧？隔離鄰舍係間米舖，免費攞人地D黃豆較飛，細個邊理得使唔使俾錢，一手入幾粒，玩晒又入D落去，而家覺得十分無聊嘅玩意，但細個邊識分，志在有得玩就得。



再分享日本網拍圖片，相信啡色槍柄是元祖初版。





睇真D，日本人玩鋼珠子彈的。



最記得要推開個槍頂小閘門裝彈。



後來再買過同一款豆槍，按掣已沒那麼靈敏，卡彈的機會較多。





很多年前在某屋苑文具店買到的豆槍，玩法如出一轍。



這個入彈位十分經典。



當年屋邨之間仍保留一所鐵皮檔(見上圖)，記憶中係售賣玩具之地，要撞啱店主開檔時候，亦有一位先生推住木頭車開檔賣玩具，見過有MAT戰機模型，但係大家得個睇字。

有一段時期，街外很多手推車美食出現，例如碗仔翅兩溝、紅豆冰、魚蛋紅雞腳、甜醬炸番薯、自家製作雪糕檔，聽聞澳門有得食。



呀，仲有豬油渣麵，以前邊有用外賣發泡膠碗，全部用湯碗裝麵，當客人食完，店家要洗碗循環再用，衛生疑問已不懂計較，當時唔知咩黎，求其俾錢要一碗，好味在於辣配菜，令人回味無窮，總想心思思吃多碗，口水直冒。

延伸閱讀：

月高士多及其他瑣碎事

https://wailark.blogspot.com/2021/04/blog-post_4.html

玩具槍

https://wailark.blogspot.com/2007/11/blog-post_20.html