唔知就唔好亂點人

話說有一日要到郵局以支票付款，去到門口成村人排緊隊，唔係呀嘩？櫃檯只開一個，午飯時候，排左四五個字輪到我果陣另一個郵務職員施施然開多個櫃檯收錢，好彩無自作聰明去便利店交錢，睇下張付款通知書，上面印住便利店淨係收cash，如果唔係又要行返轉頭再排過隊就笨蕉囉。

...繼續閱讀

正所謂時間係金錢，係時候考慮下以電子方式付款。

(資料圖片)

排隊期間企我後面果兩個阿sim係咁傾計，佢話無諗過郵局會有咁多人交錢，話時話淨係俾你寄信係唔夠嘅，今時今日服務多元化先可以方便市民需要，你又知唔知好多阿公阿婆喜歡去郵局交電費架。

忽然有個女士打尖問職員兩句，「九龍城派遞局響邊度？」結果有個小姐教佢google search，有多口人話響九龍城南角道喎，於是點左個阿姐去果度(佢真係馬上起程咁款)，排我後面個阿sim個隨身布袋係咁隊我背脊我都未出聲，傾還傾行得咁近同你好熟呀？

剛才google 下，九龍城派遞局係響土瓜灣道架！(唔知就唔好亂點人。)

正如九龍城碼頭都唔係響九龍城囉，香港奇特之處真係多不勝數。


呢張相唔係我影架！