網誌邁向五周年

...繼續閱讀

哈~電視台明明行將44周年記念，天才大員為了某種原因，避重就輕說成邁向45，箇中因由不用多說，正合主子心意。女人年齡最怕報大數，過去的周日看某前港姐女藝員一身性感裝扮，低胸長腿短裙跑上綜藝節目當嘉賓，有一幕燈光下轉身以背示眾展現薄身透光衣裳，再俯身露出美好身段，令檔主眼前一亮，當堂動L起來。

但有些偽人本身已經不大自然，裝扮了更加不自然，於大小廣告中出現令人髮指，大倒胃口，還自以為嬌俏更加叫人不堪入目。

廢話說過，今天網誌正值四周年來臨，我也來作大說邁向五周年~ 

相信下列網誌自我介紹沒甚麼人看過，借小小篇幅刊登：
Hi， 我係lark， 地球人一個囉，哈哈，假如你問我寫完野無人睇感覺會點？
就等於打左八圈麻雀都未曾開胡一樣， 心到震埋~~

哈哈， 其實你睇到呢段字即係有人睇啦~ 曾經鍾意買下馬仔、打下麻雀、睇下足球，最弊完全唔入腦，人地如數家珍咁，我就學極都唔識，記唔起馬名、球員名稱，甚至於番數都唔識計，淨係識俾錢就得？

2000年8月18日，無聊地製作左一個網頁，講既都係自己眼中所謂懷舊事，幾年後竟然學人寫下Blog，視無畏零收視為己任，再戰網路！其實最緊要自己過癮～ 哈哈，開Blog 真係易過整網頁，你都黎玩下啦~~

在云云網誌之中，得到閣下捧場支持証明我們有緣，縱使雜架攤分店內容異常沉悶，收視率回應毫無起色，檔主仍然願意繼續向你發放悶蛋！

回顧過去日子，有些Blog友已給我悶走，不再和在下聯繫，衷心多謝那些仍然願意留下來和我分享點滴的腦友記，謝謝大家支持。

群星齊賀本網誌邁向5周年~ Happy Birthday~!!!