禽晚有兩個新浪潮導演電影可楝

禽晚有兩個新浪潮導演電影可楝，一套「明月幾時有」，一套「夜驚魂」，分別係許鞍華、梁普智作品，其實我好鍾意睇文藝劇情片，悶到好似某大導作品都會睇下，只要劇情唔係胡鬧得黎離晒罩嘅話都會繼續睇落去，計過"度"過，開頭「明」片播先，覺得幾啱口味，周迅、Deanie姐都係好戲之人，結果轉台睇「夜驚魂」。

...繼續閱讀

睇返張艾嘉、鄭則士、艾迪、任達華八十年代個樣，難得西蒙親自配音，肥kent竟然係盧雄把聲，連盧國雄都有份配音，佢真係七十年代電視片集小生聲優，有份客串嘅曾X偉都係自己配返，個古仔唔劇透，最過癮係響電台取景，一時商台一時港台，睇返一個非常陌生嘅香港街景，仿似返到另一個平行時空，懷想舊日嘅足跡，見返日產fair lady，真係覺得玩Tomica認識好多經典款車，跑車不嬲都係唔實用，謝絕一屋幾口家庭樂架啦，家陣睇見通街都係呆笨款實用車輛，就覺得七八十年代香港車主較為有個性，不過呢D都係電影做出嘅假像。