變

(網圖)

八十年代睇港漫，有時要靠交換，借返黎，或者人家二手睇完轉贈之類，莫講當時三兩蚊，六蚊一碟飯已經係中學年代發生嘅事，見同學仔有日版青拳狼都不知幾咁羨慕，當時出中華英雄修訂本第一期，檔主諗住痴鄰居睇，所以冇買，第二期先開始自己買，中途竟然漏左一期冇買到，果時又冇諗過去舊書檔補購，真係搞笑，幾十年後諗返，去到尾故事無里頭搵人續寫，睇風雲又係中途放棄，馬傻其他書已經冇興趣再買，感覺憎人富貴也，睇故事睇足幾百期都唔完真係荒天下之大謬。

...繼續閱讀

港漫真係十分悶蛋(非常唔理性的批評)，主流嘅都係打來打去唔知做乜狗！

查實消閒娛樂野已經不斷轉變，唔做呢樣可以搞第二樣，已經好少見人靂住本公仔書周街行(睇手機居多)，有咁上下年紀都多數清野求售為主，君不見某大回收店各類消閒貨品堆積如山塞滿店內。

只能講今時唔同往日，情懷轉變就係咁簡單，正如以前嘅blog友，唔代表佢今日仲係你面書友，緣來緣去何必強求。