拋磚引玉

本來一路有keep呢張戴帽造型印畫同海報，但一早已經唔見咗，可能夾左响刺客列傳本書度，N年前交易時連埋一齊俾左人啦。

今次呢張有摺痕，係朋友唔要送左俾我。當年响阿波羅做，見可樂哥黎攞貨，打趣道想R馬儍親筆簽名，結果當然無啦，今日已經冇左呢種追乜嘅心情。

好想知當年天下助理(舊英雄幫成員)典樣散，睇黎最活躍面書嘅梁光明，會唔會得閒爆下料？定係已經收晒遣散費封晒口？(睇個勢唔似會俾)正所謂君子交惡，不出惡言？

早排納到連斯斯文文嘅金城都爆料，當年友情鱔稿都要向事主收返廣告費之類，唔通人富貴左就會變質，作為波士凡事有規有矩係好事，但係呢，當年某人同舊公司爭取福利，結果呢，人地公司就開善堂，你間公司就要賺大錢？

如有補充，懇請各位有識之士多加指正，我唔係專家，作為旁觀者得閒寫下嘢索下料亂吹一通拋磚引玉咁啫。

#漫畫