昨天在面書群組發現這珍貴回憶，估計是轉自N年前黃頁飲食分類刊物吧？在官塘新區住過一定有所共鳴，亦證明檔主記性尚可。
最深印象是香島冰室在第一座，店主在門外加建長方形走廊式茶座，免食客日曬雨淋，火腿通粉是以整塊上的，那個年代算是奢侈食品。
二十座有三間食肆，近馬路旁是泰興茶廳，伙計揹著托盤賣點心的，結帳時樓面阿叔以舊式術語說「一蚊禮拜」，即一元七角。
桓記餐廳在屋邨中間位置，斜對面有檔報販，小時候和袓父星期天下午光顧茶餐吃通粉飲horlick，記起餐牌有奄列食品供應，從未點過只因價錢絕貴，怎樣也聯想不到火腿混在炒蛋中便是奄列。
回想起來為什麼不光顧近便的松園？（圖中地址實為22座）聞說當時祖父和此店曾有爭執。
茶餐廳隔離是桓園茶樓，那些年代屋邨店舖規劃真離奇，店舖之間互爭生意似的。
個杯蓋就係蛋撻底嘅牛油紙
諗起以前屋邨店舖之間嗌"松園"外賣火腿通粉，佢地真係成碟捧過黎，邊有用外賣兜架？杯茶就正如下列文字所講，個杯蓋就係蛋撻底嘅牛油紙。
記得鄰舍米舖老闆都叫杯鴛鴦奶茶咖啡之類飲過先開工架~
諗返起當時都好唔顧衛生，人家要行段路先送到黎，約莫分零鐘左右路程，走廊係必經之路，旁邊係公共廁所，無俾人加料都算偷笑啦。
//以前叫外賣咖啡，奶茶...個杯蓋就係蛋撻底嘅牛油紙，當然個杯係玻璃杯啦，會揾伙計回收//
回想起來為什麼不光顧近便的松園？（圖中地址實為22座）聞說當時祖父和此店曾有爭執。
茶餐廳隔離是桓園茶樓，那些年代屋邨店舖規劃真離奇，店舖之間互爭生意似的。
個杯蓋就係蛋撻底嘅牛油紙
諗起以前屋邨店舖之間嗌"松園"外賣火腿通粉，佢地真係成碟捧過黎，邊有用外賣兜架？杯茶就正如下列文字所講，個杯蓋就係蛋撻底嘅牛油紙。
記得鄰舍米舖老闆都叫杯鴛鴦奶茶咖啡之類飲過先開工架~
諗返起當時都好唔顧衛生，人家要行段路先送到黎，約莫分零鐘左右路程，走廊係必經之路，旁邊係公共廁所，無俾人加料都算偷笑啦。
//以前叫外賣咖啡，奶茶...個杯蓋就係蛋撻底嘅牛油紙，當然個杯係玻璃杯啦，會揾伙計回收//
#飲茶回憶
沒有留言:
發佈留言