行先達有收穫

又講舊陣屎野，我諗起碼十年八年前卦，有一期都喜歡行先達，唔係睇手機，果恕竟然有玩具店，禽日響工作間電腦想開Yahoo mail，無啦啦要輸入驗證碼，而個驗證碼去左備用電郵度，咁橋我又唔記得個pw，R晒頭記唔起係乜。

出黎網路行走，起碼有三幾個電郵/面書帳戶先得，登記乜乜物物就用臨時戶口，廢事D個人資料外洩，關於工作呀私人呀起碼有半打密碼要記。

前幾晚一路睇「飄紅」要搵張紙寫低barh barh barh，就笑人地記性差，家陣乜野pw都用紙記低先，最弊禽日無帶個張紙返工，算啦又唔趕，放工先搞啦，當晚登入備用電郵抄低驗證碼，再去阿虎電郵，你老味又唔使驗證碼就直接登入，玩野呀？XDD

講返正題，行行下商場，見到間二手店，店主好面善，佢係智源D熟客黎，重記得佢畫左幅畫送俾我，可惜係影印(見圖)。互相問候之餘，依...見到松森正live machine舊版漫畫寄賣，唔使諗即納！以前漫畫行好興買參考書，一人一本，怕易撈亂卦，響書最後一頁寫左個主筆/助理名稱，好似叫伍永新，無法求證啦，套書賣左俾人，鑑平鑑賤賣。

令人有幻想的女人

 
每次睇見呢個封面，總令人想入非非。

女人真係有腰才成。

是日金句。