勢估唔到下星期哨牙仔電視台要隨波逐流，推出幾線戲劇節目，為左廣告，連續戲劇先吸引客戶落單贊助？創作人可以有題材做落去，都要觀眾喜愛受落先得，幕前又係昔日大台戰將？
「乜陳生又係你呀？」睇見一班硬膠樣藝員點睇? 廿年前係你，廿年後又係你？有無進化架你？
所以舉腳贊成五十歲以上藝人好去退休，咪阻住後生上位。(奈何無位可上，無論任何行業，老屎忽好興霸住屎坑不拉屎。)
順嫂會輕易轉台咩？以前D人會興講下劇經戲經，家陣連睇都可能嫌廢事。
問題係每樣野都有斷層，演藝圈青黃不接，觀眾層從無擴展過，後生果堆點會坐定定追電視/聽電台/睇報紙/諸如此類。
我輩已無興趣追劇，寧願響網路自我安慰，得閒炸下版，曬下野呃下like，以為呢度就係自己一片領土。
人不斷追求認同同埋共通語言，呢期興乜你又知唔知？
當看見已不是書臺的書臺上放置了多年前某某買了林姓作家著作至今動也不動時便知不要再去書展，買甚麼不看的話倒不如花錢吃掉好過，這番論調已說過很多次，越來越覺得乜展物展已變了質，香港人十分偽善，一年只有一星期裝甚麼文化人？動漫狂熱份子？(檔主以前都是這樣襯虛喎！)
個個行乜展物展，多少抱有僥倖心態，萬一遇上參展商像年宵花市收檔劈價散貨，那一刻可執屎雞，爽呀！
電視台為了縮減開支/政治表態而向員工開刀，做法令人反感。
五條頻道要填滿節目，甚花資源人手，倒不如做回中英文兩台，節目排陣容易得多，咩呀？關發牌條件事？
現在變相搞五個台加一個收費平台根本影響自家收視，不喜歡大台劇集自然轉台，以檔主來說平日晚上沒節目值得看，即使開電視都是用來諳眼瞓，之前支持哨牙仔台只因有世界盃效應，過後打回原形，節目無法承接氣勢。
假設全港觀眾都開電視，即使收視高都不代表人人留意電視在做甚麼，有些人覺得開電視只是不想室內太過寧靜，節目如能引起人們話題回響更佳，像人人買了書，銷量好但沒讀者在意閱讀欣賞，純為取得作者/偶像親筆簽名，讓書放在一角封塵，多諷刺。
沒有留言:
發佈留言