2019年1月11日星期五

回憶多數是...

在下自私小家乞人憎嘅性格係無得改,回想細個幼稚園定小學,美勞堂要用一兜漿糊黐手工習作,兩個同學share黎用,檔主夠胆霸住唔俾隔鄰女同學用,衰X到吖!重要整喊人,正仆街黎嘅。

個女仔好靚架。

小學四五年班左右,同隔離鄰舍細路玩,次次都整喊人,正一係大蝦細,下一句好彩從未發生過。

諗返起非常內疚同抱歉,依家當然係一個笑話回憶。

由於自己種下嘅孽,搬左屋去紅磡住就未遇過有同/近年齡嘅鄰居,自閉亦開始而起,玩D唔使同人分享嘅玩意,屋企有卡式機,後來用Hi-Fi,就扮DJ,弱智非常,舊樓個廳幾四正,閂埋房門播歌一流,隔音好,成個studio咁,家陣點都搵唔返咁正嘅大廈囉,間格實用。

雖然搬左,偶然都會返屋邨幫手順便探下街坊...原來已經係廿幾三十年前嘅事囉!


沒有留言:

發佈留言

隨機精選文章

追蹤者

Powered By Blogger