今時唔...

圖片同內文無關，話說檔主斗室經過空間大改造之後，個房多左個大衣櫃，要將以前擺響雜物房嘅衫、CD等雜物歸一地放返身邊，但係針冇兩頭利嘅，擺得A就放唔落B，臨到搬返黎之前已經被人警告過要清緊D野，但係你話賣就賣咩？初頭係威係勢，交投暢旺，最大成就係兩個A3紙箱玩具清走左，部份特集又賣走D，去到十二月果陣水尾靜晒，就係我專揀客人，乞我憎嘅索性唔覆兼封鎖，話之你係上等人！

之前儲落一堆自以為珍藏嘅雜誌冇位擺，點算？從來唔會考慮租迷你倉，放落第二恕不如唔好買，計落得三個膠箱左右嘅野，廿幾年黎抄落一堆碟，絕對唔捨得丟棄，仲有D老翻game 未掉，或者留返下次斷捨離先算，「喂，D野要俾錢買架。」呢句話真係累事。

呢D都係已經賣走左嘅玩具/雜物，只係其中部份收藏，完全唔覺可惜，而家轉向時裝界發展~ 計我話人靠衣裝，著件試正D嘅衫人都醒神D....XDD