「神勇雙響炮」

前晚轉台睇左少少電影「壞女孩」，呢套片簡直浪費一班演員，連陳友都唔係親自配音，其他角色如胡謂康、關朝聰都係搵人配把聲，邊好睇架！不過咁睇返青春無敵上山安娜都算啦。

...繼續閱讀

之後發現最心儀「神勇雙響炮」播映，卒之短期內睇晒佢地三部曲，以前都睇過，之不過已經唔記得劇情講乜囉！睇返未整鼻嘅溫碧霞幾好，又有洪金寶成龍元彪客串，幾抵睇囉~XDD

套戲塑造出一個「善解人意溫柔體貼」嘅madam安娜，葉德嫻演出真係好睇，2020 2021兩個又過癮，第一集係好笑D！戲劇總有個乞人憎角色，佢就係田警司，搵盧雄配音零舍傳神，始終配音令角色生猛，但觀眾要求真實，當九十年代電影「我愛扭紋柴」開始現場收音，大家睇到咩叫真演技囉！