日本百貨公司●快樂的購物時光

以前大丸定祟光會有個專櫃角落「賣」定「租」日本原裝錄影帶，果時又未至於迷日成咁，諗落可能又要入會又剩咪搞！
好在家陣想睇片去Youtube，簡單方便。

八九十年代得閒就會去云晒三越、松板屋、崇光、大丸書籍部，撞正特賣日就好咯！可能會有平書執。



圖雖然以前在其他平台出過，當中故事你未必聽過，三十幾年中學生零用錢有限，暑假時候與同學到三越定松板屋書屋見到過期雜誌割引大特賣，不知是誰下手先在書叢中拆開其他動畫雜誌附錄，把它夾到自己要買的特價雜誌內，結果一個價錢買到超值貨品，所以大家看到的是強奪回來的海報和附錄，各位朋友千奇咪學那麼貪心呀！

果時覺得地鐵站響祟光地庫好新奇架，對中學生黎講已經係好現代化嘅事黎，好懷念大丸超市部金沙骨，橙橙地色風味正，同埋曾經見住條靚仔偷公仔書，向日文書籍部負責人話想訂餓男，佢用半咸淡廣東話話當然唔得啦！

好幾年後響大丸見到有新封面再版賣，一套九冊，搵笨咩？又出？好在響智源做果陣已經買左，當時係由第四期開始偷偷補訂嘅...之後又搵埋黑底舊版，咁先齊套囉。

Disc Jockey

相片是多年前拍的，曾經都有好幾本Disc Jockey，沒想過它們會變成回憶。新年版2月號，1991年，你出世了沒有？XDD
當年在七仔買的雜誌，那消費旺盛的年代，看戲買碟行旺角商場....這不是青春是甚麼？

別叫我分享內頁，收得很埋，廢事靂出黎。

如果冇記錯嘅話，呢本野曾經有補購，但係呢期連雜誌社都話無晒存貨，斷晒市，可以話係最賣得嘅一期。九十年代信和有鋪頭賣緊呢間出版社嘅特集，例如佢地會為beyond出左本相集之類物體，同時都有其他歌星系列出版，次次行過都好少幫襯，當時都幾專注買二手碟聽歌或者去戲院睇戲。

雜誌應該係完完整整咁儲至係。

東touch、一本便利、Disc Jockey等等都係九十年代美麗的回憶。

當時又冇諗過會有網路平台分享事物呢回事，逐頁scan都有排玩。

據聞次文化堂社長彭志銘先生打算復刻「漫畫讀物」喎(講笑)。