轉貼：鄭丹瑞●依然快樂之稱職

...繼續閱讀

哈？究竟阿旦哥講緊邊一個台邊個節目...XDDD

===

做廣播高層的日子，最討厭有人在我面前說：「唓，做DJ有幾難？日日喺個咪面前吹兩個鐘頭水之嘛！係人都得啦！」

一向嬉皮笑臉的我，對此番言論最不能忍受，通常都會嚴厲駁斥一番：「做DJ係一門事業，需要努力同天份，努力佔七十巴仙，天份佔三十巴仙。單靠努力，你只有七成水準，單靠天份，你剩下三成不到，惟有兩者完美結合，才是一個合格的廣播人。這根本不是任何一個『識講幾句爛笑話，引起身邊朋友哈哈大笑』的人，就能隨便做到的。」

「好不幸，而家我聽電台，就充斥住太多呢種自我感覺良好，以為好好笑，完全唔做功課，上網搵到幾則似是而非嘅信息，然後吹兩個鐘頭水，播兩、三首歌，就可以收工嘅所謂主持。」好事之徒望住我動了真氣地連珠炮發，雖然事不關己，但我不能不同意好事之徒的睇法，也很能理解他氣惱的原因。

「而家情況仲差！」好事之徒意猶未盡： 「連尊貴嘅立法會都被感染，人人以為自己嘅政見係天下唯一，人人以為自己識得講幾句 common sense，發表一啲三毛子一擔嘅政論，就可以選議員，最無奈係又有選民相信佢！」

我從事廣播幾十年，對任何人講的任何一句話都特別敏感。可惜到目前為止，沒有一位尊貴的議員講過一句話能說服我，讓我覺得他或者她是稱職的。