即係乜野？

作為一個唔係點砌模型嘅人，早前執屋已經掉晒N世代買落嘅模型油，細細樽要搵水開果隻呢，甚至連高達marker都掉，反正都乾晒無乜用！唔好阻掟啦。

...繼續閱讀

(網圖)

最近先留意有隻咁荀嘅模型顏色，稍為開稀即用，一早係咁咪好囉，但係家陣已經唔砌模型(仲係停留齋啪階段)，連公仔補油都廢事，由得佢甩色甩到夠。

如果你問咸超對眼係咩色，我會答白色，可能你話我色盲架？未計ACE時期，吉田阿鄉一定係白色啦，七號就尷尬D，一時一樣，萬一係黃嘅，就用手機軟件加工囉，盡量唔會搞件扭蛋，反正冇點買發光蛋，即使係乜色都關人春事！嗜好去到某D年代好自然就要停，慢慢會發現至愛會係乜，而家至信，有D野係唔能夠同時代一起，始終要放手嘅，即係乜野？就係學人真正斷捨離囉！因為遲D要搬....

以前有同學到訪舊居，已經開口話，你都唔執屋，D野唔掉嘅？即係幾十年前好話你一屋垃圾，當時回應係間房有位吖！掉左會後悔。